نص ديون مصر هتطير قبل نهاية 2024.. هنقولك ده هيحصل إزاي

هو الرئيس السيسي بيفكر ازاى فى ديون مصر الخارجية؟ وهل فيه خطة لتسوية ديون مصر؟ وهي أصلا مصر عليها ديون لبره كام ؟ وهل الحكومة تقدر فعلا تتخلص من كابوس الدين الخارجي وتوفر مليارات الدولارات بيتم اهدارها كخدمة وأقساد اليدن؟

اللي تابع المؤتمر الصحفى لاعلان صفقة رأس الحكمة من حوالى 10 أيام أكيد لاحظ ان الدكتور مصطفى مدبولى رئيس الحكومة قال ان فيه 11 مليار دولار من قيمة الصفقة هتحصل عليهم مصر هماد حجم ودائع الامارات فى البنك المركزي وقال كمان ان المبلغ ده هيتم خصمه من ديون مصر وهيقدر البنك المركزي يتصرف فيه براحته لأن المبلغ ده قبل كده كان دين واجب النفاذ على الجكومة المصرية

طب يا ترى الـ 11 مليار دول بيمثلوا كام في الميه من ديون مصر الخارجية؟

الـ 11 مليار اللى أعلنت الامارات التنازل عنهم فى صفقة رأس الحكمة بيمثلوا حوالى 7% من اجمالى ديون مصر الخارجية ودي نسبة كبيرة جدا لما يتم اسقاطها مرة واحدة وخد بالك ده هيحسن جدا من تصنيف مصر ومن وضعها قدام مؤسسات التمويل الدولة

ومصر مطلوب منها تسدد كام فى 2024 ؟

الإحصائيات الرسمية كشفت زيادة في إجمالي الالتزامات الخارجية لمصر اللي بتشمل الأقساط وفوائد الديون ومن المتوقع أن تصل إلى حوالي 42 مليار دولار خلال السنة الجاية وده  المبلغ الأعلى على الإطلاق المطلوب سداده كديون في عام واحد.

وكان صندوق النقد الدولي كشف أن مصر هتسددله حوالي 261 مليون دولار في يناير2024، ضمن 6.7 مليار دولار مديونيات يتعين عليها سدادها للمؤسسة الدولية خلال السنة الجديدة .

ووفقًا للبيانات الرسمية من البنك المركز من المقرر أن مصر تسدد  حوالى 9.5 مليار دولار أقساط وفوائد الديون قصيرة الأجل خلال النص الأول من 2024. ومن المتوقع أن يتم سداد الحصة الكبيرة من الديون دي  خلال فبراير ومارس.

وفي الوقت نفسه لازم مصر تسدد  كمان حوالي 32.8 مليار دولار، ويشمل ده ديون متوسطة وطويلة الأجل.

طب هي مصر عليها ديون أد ايه للخارج ؟

وفقا لتقديرات وبيانات رسمية صادرة عن البنك المركزي وصل إجمالي الديون الخارجية المستحقة على مصر إلى حوالي 165.4 مليار دولار بنهاية الربع التالت من 2023.

وأظهرت البيانات الرسمية ارتفاع كبير في مصروفات فوائد الديون المصرية خلال أول شهرين من العام المالي الحالي بنسبة نمو قدرها 161.3٪ على أساس سنوي، حيث زادت بقيمة 241.85 مليار جنيه بما يوازي حوالى 8 مليار دولار

وأكد تقرير حديث صادر عن وزارة المالية بأن مصروفات فوائد الديون قفزت إلى 391.7 مليار جنيه (ما يوازي 12.696 مليار دولار) خلال الفترة من يوليو إلى نهاية أغسطس 2023، مقارنة بـ 149.92 مليار جنيه ( ما يوازي 4.859 مليار دولار) خلال نفس الفترة من العام المالي اللى قبله.

والزيادة دي نتيجة ارتفاع مصروفات فوائد الديون المحلية لغير الحكوميين إلى  حوالي 11.5 مليار دولار خلال الفترة المشار ليها مقارنة بحوالى 4.5  مليار دولار في نفس الفترة من السنة اللى قبلها

وارتفعت فوائد الديون الخارجية بنسبة 157.3٪، وسجلت حوالي 35.69 مليار جنيه  مقارنة بـ 13.87 مليار جنيه

والدولة ناوية تعمل ايه فى الملف ده؟

ملف الديون الخارجية واحد من الملفات المعقدة جدا اللى الحكومة مضطرة تتعامل معاه رغم ان بقاله سنين طويلة محدش فكر يحله بشكل نهائي لغاية ما أعباؤه بقت حمل كبير جدا على الموازنة العامة للدولة .. بس الرئيس السيسي مدي الملف ده اهتمام مخصوص وعاوز مصر تنهي عصر الاعتماد على الخارج وتسدد اي التزامات عليها وتخلص من صداع الديون وخدمته وأقساط

وايه خطة السيسي للتخلص من كابوس الديون؟

زي ما قولنا لحضراتكم الرئيس السيسي مهتم جدا بتصفية ديون مصر وعلى آخر 2024 فيه خطة للنزول بحجم ديون مصر الى اقل من 100 مليار دولار تحديدا الرقم المستهدف 90 مليار دولار .. وهيتم سداد كل الديون المستحقة فى مواعيدها والملف ده قريب جدا هنسمع فيه اخبار حلوة عشان نخلص الموازنة العامة من عبء ثقيل بيلتهم الجزء الأكبر منها