السبت 20 أبريل 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

ليلة سودا على تجار العملة.. السيسي يفجر مفاجأة كبرى عن الدولار

الأربعاء 28/فبراير/2024 - 07:20 م
الرئيس عبدالفتاح
الرئيس عبدالفتاح السيسي

 

من يوم الجمعة اللى فات وتجار العملة والمضاربين على الدولار بيعيشوا ايام صعبة بعد الاعلان عن صفقة رأس الحكمة بين مصروالامارات واللى هتدخل عوايد ب 35 مليار دولار هتساهم بشكل واضح فى حل أزمة نقص العملات الأجنبية اللى بتعانى منها مصر بقالها أكتر من سنتين.. والنهاردة الرئيس السيسي فجر مفاجأة كبرى بخصوص الصفقة وبخصوص الدولارات اللى هتستلمها مصر.. فيا ترى السيسي قال ايه ؟ وايه تاثير كلامه على السوق السودا للعملة؟ وهل كده بدأت مرحلة النهاية لتجار العملة والمضاربين على الدولار؟

الرئيس عبدالفتاح السيسي من ساعات وخلال مشاركته فى حفل “قادرون باختلاف” المخصص لذوي الهمم اتكلم لأول مرة عن صفقة راس الحكمة اللى ابرمتها مصر مع الامارات وهتحصل بموجبها على 35 مليار دولار سيولة عاجل بالاضافة الى 35 من أرباح المشروعات اللى هتتنفذ لتطوير بعض المناطق فى الساحل الشمالى ومطروح.

الرئيس السيسي قال عن مشروع تطوير رأس الحكمة : "دايمتا احنا شفافين وصادقين في طرح الموضوع من غير ما نخبي حاجة.. والدكتور مصطفي مدبولي رئيس الحكومة اتكلم  عن الموضوع وشرحه.. ومش يصح نخدعكم.. واتكلم عن شكل الشراكة وشكل المشروع اللى بنتكلم فيه بمساحته والإجراءات اللى هتعمل خلال الشهور والسنوات الجاية".

واستكمل السيسي كلامه وقال احنا بنتلكم عن أكبر مشروع سياحي على البحر المتوسط.. ده كلام اتقال وانا بأكده.. وبتمنى أن ربنا يساعدنا احنا والأشقاء في الإمارات.. بنتكلم على مدينة فيها حياة مستمرة بأنشطة مستمرة بشكل كامل على مدار العام

وفجر السيسي مفاجأة سارة وقال ان جزء من أموال صفقة رأس الحكمة استلمتها مصر فى الساعات الأخيرة ودخلت حسابات البنك المركزي.

بس يا ترى مصر استلمت كام مليار من الصفقة ؟

لو رجعنا لكلام الدكتور مصطفى مدبولى يوم اعلان الصفقة قال ان القيمة الاجمالية اللى مصر هتاخدها 35 مليار دولار هتستلم منها 15 مليار خلال اسبوع منها 5 مليار دولار من عوائد الامارات فى البنك المركزي بالاضافة الى 10 مليار دولار من قيمة الصفقة

يعنى بحسبة بسيطة كده فخزينة البنك المركزي انتعشت امبارح ب 10 مليار دولار أول جزء من صفقة رأس الحكمة وخلال شهرين بالكتير هتسلم 20 مليار دولار منهم 6 مليار هيتم خصمهم من وديعة ال 11 مليار بتوع الامارات لدى البنك المركزي

طب ايه تاثير استلام 10 مليار دولار على السوق السودا للدولار ؟

طبعا اى توافر لسيولة دولارية بيكون ليها تاثير كبير جدا على السوق السودا للدولار ما بالك ب 10 مليار دولار دخلت خزينة البنك المركزي مرة واحدة ده هيعمل حرفيا قلبان فى سوق الصرف وسعر الدولار هيبدأ يتراجع تانى بشكل ملحوظ لغاية ما يوصل للسعر العادل مش السعر اللى كان مبنى على المضاربات ومكنش سعر حقيقي

وخد بالك مصر الفترة الجاية هيدخلها كمية كبيرة جدا من العملة الصعبة 35 مليار دولار من صفقة رأس الحكمة و12 مليار دولار من صندوق النقد بالاضافة الى 10 مليار يورور من الاتحاد الاوربي