الأحد 21 أبريل 2024
رئيس التحرير
عمرو عامر
المشرف العام
عبدالعظيم حشيش
فيديو بانكير

جديد في زيادة المرتبات.. شوق شريحتك ومعاد على صرف معاشك

الخميس 15/فبراير/2024 - 03:21 ص
المرتبات
المرتبات

 
بعد قرار الرئيس عبدالفتاح السيسي بتوجيه الحكومة باعداد حزمة جديدة من أدوات الحماية الاجتماعية وزيادة أجور العاملين بالجهاز الإداري بالدولة والمعاشات والمسفيدين من برنامج تكافل وكرامة، والكل حاليا بيسال امتي هتبدأ الحكومة تطبيق الزيادة.. وهتصرف يوم كام في الشهر.. وهتكون كام لكل درجة وظيفية من العاملين بالجهاز الإداري للدولة .
 


علي الرغم من الإزمات السياسية والاقتصادية اللي الناس بتعاني منها لكن القيادة السياسية طول الوقت بتبص علي الموظفين والمواطنين بالدولة، وطول الوقت بتحاول بكل السبل انها توفر ليهم كل احتياجاتهم من السلع وبتدعم دخلهم الاقتصادي من خلال اعداد الحزم الاجتماعية لزيادة الأجور والمرتبات وكان أخرها قرار الرئيس باعداد اكبر حزمة اجتماعية في تاريخ مصر بقيمة 180 مليار جنيه ويتم بداية العمل بيها اعتبارا من شهر مارس المقبل، وهيتم زيادة أجور العاملين بالدولة والهيئات الاقتصادية، بحد أدنى يتراوح بين 1000 إلى 1200 جنيهاً بحسب الدرجة الوظيفية (1000 جنيه للدرجات من السادسة إلى الرابعة، و1100 جنيه للدرجات من الثالثة للأولى، و1200 جنيه للدرجات من مدير عام إلى وكيل أول وزارة).


قرارات رئيس الجمهورية شملت كمان تبكير صرف العلاوة الدورية للمخاطبين بقانون الخدمة المدنية بنسبة 10% من الأجر الوظيفي، و15% من الأجر الأساسي لغير المخاطبين، وبحد أدنى 150 جنيهاً بتكلفة إجمالية 11 مليار جنيه، وصرف حافز إضافي، يبدأ من 500 جنيهاً للدرجة السادسة، ويزيد بقيمة 50 جنيهاً لكل درجة، ليصل إلى 900 جنيهاً للدرجة الممتازة، بتكلفة 37,5 مليار جنيه، وذلك بتكلفة إجمالية نحو 65 مليار جنيه، ورفع الحد الأدنى للأجور بنسبة 50% ليصل إلى 6 آلاف.
القرارات الجديدة لرئيس الجمهورية هترفع مرتبات الدرجة الوظيفية الممتازة أو ما يعادلها لـ 12.200 جنيه، وهتوصل مرتبات الدرجة العالية لـ 10200 جنيه، وهتوصل مرتبات درجة المدير العام الي 9200 جنيه، ومرتبات الدرجة الأولى هتوصل لـ 8200 جنيه، ومرتبات الدرجة الثانية هتوصل لـ 8000 جنيه، ومرتبات الدرجة التالتة هتوصل لـ 7500 جنيه ومرتبات الدرجة الرابعة هتوصل لـ 7000 جنيه ومرتبات الدرجة الخامسة هتوصل لـ 6500 جنيه ومرتبات الدرجة السادسة هتوصل لـ 6000 جنيه.

قرارات  السيسي تضمنت كمان رفع المعاشات بنسبة 15% من أساسي القيمة المالية للمعاش المستحق، كنوع من أنواع إجراءات الحماية الاجتماعية توفرها الدولة لجميع المواطنين وهيكون اجمالي المعاش الجديد عبارة عن ضرب قيمة المعاش الشهر في 15%، وهيوصل معاش الشريحة الأولي 1495 جنيه بزيادة 1300 جنيه، والشريحة الثانية هتوصل الي 1725 جنيه بزيادة 1500 جنيه، والشريحة الثالثة هتوصل 1840 جنيه بزيادة 1600 جنيه، والشريحة الرابعة هتوصل الي 2300 جنيه بزيادة 2000 جنيه، والشريحة الخامسة هتوصل الي 2645 جنيه بزيادة 2300 جنيه، والشريحة السادسة هتوصل لـ 2990 جنيه بزيادة 2600 جنيه، والشريحة السابعة هتوصل لـ 3335 جنيه بزيادة 2900 جنيها، والشريحة الثامنة هتوصل لـ 3680 جنيه بزيادة 3200 جنيه ، والشريحة التاسعة هتوصل لـ 4025 جنيه بزيادة 3500 جنيه، والشريحة العاشرة هتوصل لـ 4370 جنيه بزيادة 3800 جنيه، والشريحة الـ 11 هتوصل الي 4715 جنيه بزيادة 4100 جنيه، والشريحة الـ 12 هتوصل لـ 5060 جنيه بزيادة 4400 جينه، والشريحة الـ13 هتوصل لـ 5405 جنيه .
اما فيما يخص الأطباء وأعضاء المهن الطبية، فيحصل المديرين العام علي زيادة هتوصل لـ 1630، والدرجة الأولى (مدير مستشفى) الإشراف علي زيادة 1300 والقيادات 1300 جنيهًا، والدرجة الأولى (مدير منطقة/نائب مدير مستشفى) هيحصل علي  870 جنيه، وهيحصل الأطباء البشريين علي 2000 جنيًها زيادة جديدة ، و1600 جنيهًا للأطباء الأسنان والصيادلة والبيطريين وأخصائي العلاج الطبيعي، و1500 جنيهًا لأخصائي التمريض العالي والكيميائيين والفيزيقيين، و1350 جنيهًا للحاصلين على دبلومات فنية للتمريض والفنيين الصحيين.