مشروع السيسي لانقاذ الجنيه.. غُمة وهتنزاح

يا ترى السيسي بيفكر إزاي فى انقاذ الجنيه من الانهيار؟ وايه الحلول اللى هيعملها للقضاء على أزمة نقص العملة؟ وامتى كابوس الدولار ده ينتهي على خير؟ وليه الرئيس متاخر في تكليف الحكومة الجديدة بمهام عملها؟ وايه آخر تطورات مفاوضات مصر مع الصندوق النقد الدولي ؟ وازاى هيتم مواجهة المحتكرين وحيتان الأسواق؟

الرئيس السيسي وهو بيستعد لولاية جديدة فى حكم مصر أصعب ازمة بتواجهه حاليا هي أزمة نقص العملة الجنبية وشح الدولار واللى من تداعياتها ارتفاع اسعار السلع بصورة وشكل غير مسبوق وعشان كده شغل الرئيس الشاغل فى الفترة دي ازاى ينقذ الجنيه من الانهيار قدام العملات الجنبية وازاى يقضي على كل الفوضى الموجودة فى سوق صرف العملة واللى خلت سعر الدولار يعدى حدود ال 60 جنيه فى السوق السودا رغم ان سعره فى البنوك مستقر عند حدود 31 جنيه من شهر مارس 2023

طب إيه اللي بيفكر فيه السيسي لانقاذ الجنيه؟

الرئيس السيسي عارف ان الحكومة الحالية فشلت فى ايجاد حلول لأزمات مصر الاقتصادية وعشان كده حاليا بيتم اختيار تشكيل وزارى جديد يقدر يكون ليه دور فى البحث عن حلول غير تقليدية لأزمة نقص العملة والتشكيل الجديد السيسي مراعي فيه انه يكون أغلبه من رجال المال والأعمال واقتصاديين مشهود ليهم بالكفاءة والانجاز

ودور الوزراء الجدد انهم يعلوا تغيير جذري فى السياسات القديمة ويطرحوا افكار تقدر تساعد مصر على عبور الزمة الاقتصادية الصعبة اللى بتمر بيها فى الفترة الأخيرة والموضوع مش تغيير اسماء وخلاص..  لأ .. المرة دي الوضع مختلف والحكومة الجديدة تقدر تعتبرها حكومة حرب وعشان كده فيه اهتمام كبيرة بتاريخ الشخصيات اللى بيتم اختيارها

وايه اللى معطل وأمأخر الاعلان عن الحكومة الجديدة؟

الموضوع مش سهل خالص زي ما ناس كتير فاكرة ولازم تأنى فى اختيار الناس اللى هتمسك المناصب الوزارية الفترة الجاية وفيه استعلام أمنى واستعلام كمان عن النجاحات اللى حققها المرشحين للتاكد من اختتيار الشخص الصح فى المكان الصح غعشان ميحصلش زي ما حثل فى حكومات كتير سابقة  

طب ازاى الرئيس هيحل ازمة الدولار؟

الرئيس شغال على أكتر من ملف الأول هو ملف الاستثمارات الجنبية المباشرة ودي دولارات بيتم ضخها فى السوق مقابل تنفيذ مشروعات ضخمة والسيسي قطع شوط كبير فى الاتفاق على ضخ أموال من خلال صناديق استثمار عربية وأجنبية وهيتم الاعلان عن تنفيذ مجموعة كبيرة من المشروعات الفترة الجاية كمان فيه اهتمام رئاسي ملحوظ بملف الطروحات الحكومية واللى متوقع تدخل لمصر السنة دي بسحوالى 10 مليار دولار بجانب طبعا تعظيم المصادر التقليدية للعملة الجنبية زي زيادة الصادرات وسوم قناة السويس وعائدات السياحة وتوجيه اهتمام اكبر لتحويلات المصريين فى الخارج ومعالجة الخلل اللى خلا التحويلات دي تتراجع حوالى 30 % فى اخر سنة

والحاجات دي كلها متوقع تضخ مبلغ اجملاالى بحوالى 20 مليار دولار وده هيزود المعروض من العملة الجنبية وهيخلى الطلب على الدولار يقل لأن المعروض هيزيد ةكل ما زاد المعروض كل ما قل سعر الدولار وكلما تراجعت المضاربة عليه

وفين قرض صندوق النقد والمفاوضات معاه وصلت لفين ؟

الاسبوه ده وصل القاهرة بعثة صندوق النقد لاجراء المراجعتين الاولى والتانية لقرض ال 3 مليار وخلال ايام هتنتهى البعثة من المراجعة وفيه مفاوضات شغالة بين الصندوق والحكومة لزيادة القرض من 3 الى 6 مليار وفيه تقارير بتتكلم عن رفعه الى 10 مليار دولار وده كمان مورد دولاري مهم لو حصل اتفاق هيفرق جدا فى ازمة نقص العملة وهيكون شهادة على قوة ومتانة الاقتصاد وتقدر الحكومة من خلاله تاخد قروض وبرامج تمويل من مؤسسات تانية كتيرة

طب وملف الأسعار وسيطرة التجار والمحتكرين على السلع الساسية للبلد؟

ده كمان واحد من الملفات المهمة اللى السيسي مركز معاها ومش هيسيبها غير وهى محلولة بصفة نهائية وهيكون فيه اجراءات قاسية ضد اى شخص يثبت تورطه فى احتكار سلعة من السلع والعقوبات فى القانون بتوصل للمؤبد وغرامات بملايين الجنيها الى جانب كمان ان اى سلعة سعرها هيزيد الدولة هتتدخل وتعوض النقص اللى فيها بطرق كتيرة الى جانب الاهتمام بالتصنيع المحلى وزراعة السلع اللى بنستوردها من بره وده هيقلل فاتورة الاستيراد وهيوفر فرص عمل