هادي لكن ماييرحمش وبيصحى 5 الصبح .. مفاجآت رئيس الحكومة الجديد

 

هادي وعبقري اقتصاد لكن في الوقت نفسه حازم وحاسم ومابيرحمش في فساد أو تقصير، شخصية تقيلة لكن مفاجأة واتأخر إعلان اسمه لأسباب كتيرة.. الكلام عن رئيس الحكومة الجديد.. تعالو هنشوف حكايته إيه
 

التغيير سنة الحياة وكل معركة وليها جياد والدكتور مدبولي وحكومته قدموا على مدار سنين إنجازات كتير وهيفضل واحد من أهم رؤساء وزراء مصر وفي عهده مصر حققت معجزات لكن لكل مرحلة رجالها والظروف كانت أكبر من حكومته في اخر سنتين وحاول على قد ما يقدر يخرج بالبلد لبر الأمان لكن البلد مش بتوقف على حد ومليانة كوادر في كل المجالات وعندها شخصيات تقيلة تقدر تشيل المسؤولية.
وناس كتير بتسأل عن سر تأخر التشكيل الوزاري الجديد وليه الرئيس صابر على الأزمات اللي في الأسواق وعن الأسعار والدولار والتضخم بالشكل ده.. في العادة القرار السياسي لازم ياخد وقته عشان ده مصير شعب ودولة وحكاية انك تشيل وزارة وتجيب حكومة تانية بيتم في ساعتين.. لأ طبعا الموضوع كبير وبيتم التنسيق بين كل الأجهزة في الدولة وفيه ملفات الوزراء الجدد لازم يدروسوها الاول وفي ملفات لازم يسلمها الوزير القديم دا غير شغل كتير للأجهزة الرقابية اللي بتستلم وزارات وتسلمها علشان يعرف الوزير الجديد هيبدأ منين وهيتحاسب على إيه.
ودا سر التأخير في اعلان الحكومه الجديده وهو أن رئيس الوزراء الجديد بيدرس الملفات الصعبة كلها قيل ما يحلف اليمين الدستورية قدام الرئيس.. خلينا نقولك إن رئيس الحكومة الجديد شخصية مش على البال لكن قوي جدا ومعروف أنه مش بيتهاون في نقصير ولابيرحم في إهمال واسم تقيل جدا في التخطيط والاقتصاد ومعروف بأسلوبه العملي..
المفاجأة إن رئيس حكومة مصر الجديد كان شغال الفترة اللي فاتت على ملفات كتير أولها الدولار والسوق السوداء وارتفاع أسعار السلع والتعويم وموارد الدولة يعني على الملفات الصعبة كلها وتقريبا تقدر تقول إنه وصل لحلول لكل المشكلات طبعا بدعم رئاسي ومساعدة كل أجهزة الدولة ودا طبيعي جدا جدا لأن رئيس الحكومة الجديد مش بيجي بالتليفون ويقوله مبروك انت بقيت رئيس الوزراء تعالي احلف اليمين زي ما بيحصل في الافلام.  لكن الحقيقة اسمه بيكون معروف قبلها بفترة واستعمل عليه شغل ودراسة وتحريات وسمات شخصيه وبعدين بيعرضوا عليه مشكلات وملفات أزمات ويتطلب منه وضع تصور منطقي ومعقول وقابل للحل لكل الأزمات دي وبعدها مؤسسات الرئاسة ومعاها أجهزة تانية بتعمل تقييم لمقترحات  وحلول وطريقة تفكير رئيس الحكومة الجديد.
الأهم بقي إن الشخصية دي زي ماقلنا قوية واختارت فعلا أسماء الوزراء البس هيشتغلوا معاه وهو من النوع اللي بيصحي 5 الصبح وبينام اخر واحد واسمه هيكون مفاجأة سارة وخلال أيام كلنا هنعرفه.