من غير ما تروح البنك.. إزاي تشتري شهادة الـ 27% من بنك مصر
الجمعة 05/يناير/2024 - 07:33 ص
من ساعات قليلة أعلن بنك مصر طرح شهادة الادخار الجديدة بعائد 23.5% و 27% على أن يتم صرف العائد على الشهادة الأولى شهريا والثانية سنويا
ولو حضرتك عاوز تشتري أي واحدة من الشهادتين تقدر تعمل ده من بكره وانت في بيتك ومن غير ما تكون مضطر تروح البنك ولا تقف في طوابير ولا تاخد رقم وتستنى دورك
وفيه 3 طرق يقدر العملاء من خلالهم شراء الشهادة أولهم من خلال الإنترنت البنكي أو من خلال تطبيق الموبايل البنكي الخاص ببنك مصر بي ام اون لاين واللى تقدر تنزلوا من على جوجل بلاي او الأي او اس وأخر طريقة طبعا الطريقة التقليدية انك تروح البنك
بس طبعا أسهل طريقة انك تدخل على التطبيق وتشترى الشهادة وانت قاعد على الكنبة في بيتك او شقتك
والشهادة بتديك عائد ثابت طول مدة الاحتفاظ بيها ونسبة العائد 27% سنويا 23.5 % لو هتصرف العائد شهريا.
