ذهب ولا عقارات... افضل طرق الاستثمار في 2024
مين فينا مش بيدور علي مشروع أو استثمار ناجح يكون ربحه مضمون يشغل فيه فلوس ويكون مطمئن عليها، يا تري العقارات ولا الذهب ولا الدولار.. تعالي اقولك علي كلمتين فى المفيد لو عايز تحافظ علي فلوسك بدون مغامرة أو خوف، وأية هيا اهم نصائح خبراء ونصائح رحال المال والاعمال للاستثمار الافضل في 2024.
الذهب علي مدار الفترات اللي فاتت كان هو الحصان الاسود، مفيش حد راهن عليه وخسر، ووصل لمستويات تاريخية لاول مرة وسجل سعر الجرام عيار 21 الأكثر مبيعا في الأسواق 3300 جنيها، ومفيش حاليا علي لسان الناس غير سؤال واحد بس وهو هل أسعار الذهب هتفضل ترتفع في عام 2024 ولا هتتراجع تاني .
رئيس شعبة الذهب أكد ان أسعار الذهب هتفضل مستمرة في الارتفاعات خلال الأيام الجاية، ووجهت نصيحة للمواطنين "اللي معاه فلوس يشتري ذهب يشتري لأن الذهب مش يخسر".
رئيس شعبة الذهب كمل كلامه وقال أن الحكمة المعروفة عن الذهب في السوق أنه زينة وخزينة" و على مدار السنين اللي فاتت فضل محافظ علي قيمته، وطول الوقت كسبان، وشراء الذهب في الوقت اللي يكون سعره منخفض له مكاسب كبيرة للمواطنين سواء شراه المواطن في صورة مشغولات أو جنيهات .
رئيس شعبة الذهب أكد برضوا في تصريحات ل بانكير أن سعر الذهب العالمي والسوق المحلي مفيش فرق كبير بينهم، والسبب الأساسي في النقطة دي هو قرار الحكومة السماح للمواطنين اللي جايين من بره دخولهم باي بكميات من الذهب بدون ضرائب.
مصادر بشعبة الذهب اكدت ل بانكير ان سلعة الذهب مرتبطة بالعرض والطلب، وأن أسعار الذهب بتتحرك وفيا لحركة الإقبال والشراء وفي 3 حاجات أساسية بتتحكم في أسعار الذهب وهي: الشاشة العالمية، والدولار في السوق الموازية والعرض والطلب.
مصادر ثانية باتحاد الغرف التجارية أكدت أن الفترة الحالية في مصر بتشهد إقبال كبير علي شراء الذهب وخاصة السبائك، وأن الذهب أصبح افضل اسثكار في الوقت الحالي والديل علي كده أن سعر جرام الذهب عيار 21 السنة اللي فاتت كان 1200 جنيه، وفي بداية سنة 2024 عدي سعر الجرام 3350 في عام بما يعني تحقيق مكاسب 2000 في الجرام الواحد .
المصادر نفسها اكدت أن الذهب هو الفائز الاول في تحقيق الأرباح علي مدار الشهور اللي فاتت وتيحي بعده العقارات، وتوقعت إستمرار الارتفاعات في سوق الذهب خلال الفترات القادمة.
وخليني اقولك أن رجل الأعمال والملياردير المصري المعروف نجيب ساويرس واللي بيعتبر واحد من أشهر المستثمرين الرئيسيين في شركات مناجم الدهب في العالم كان من اول الناس اللي كان عنده فكري مستقبلي لحركة الاستثمار في مصر وحط 50% من استثمارته في الذهب،
ساويرس وجه نصيحته للناس اللي بتدور علي الاستمثار في سنة 2024 ما بين الدهب والعقارات، وقال أنا أخترت احط اغلب استثماراتي في الذهب لأن الدنيا كلها حوالينا حروب، والدهب ده الملاذ الآمن، الواحد مش بيدور على المكسب، بيدور على الأمان، وعشان كده بيروح للدهب".
