السيسي مش هيعديها المرة دي.. رعب فى اسرائيل من رد فعل مصر

من امبارح بالليل والدنيا حرفيا مقلوبة فى اسرائيل وكل الناس فى تل ابيب وباقي مدن دولة الكيان المحتل قاعدين مرعوبين وخايفين من رد فعل مصر على اللي حصل على الحدود بعد الاعلان عن اصابة أحد أبراج المراقبة المصرية بشظايا قذيفة من دبابة اسرائيلية عن طريق الخطأ .. ورغم ان اسرائيل طلعت بسرعة واعلنت اعتذارها وأسفها عن اللى حصل لكن ده مش مخلى الاسرائيليين عارفين يناموا خوفا من رد مصر.. واللى زود من خوف وحيرة شعب الكيان المحتل ان بيان المتحدث العسكري المصري نقل الأسف الاسرائيلي لكن ما جابش سيرة عن قبول الاعتذار من عدمه.. وأكد ان السلطات المصرية بتحقق فى ملابسات الواقعة
 

 
الاسرائيليين عارفين كويس موقف الرئيس السيسي من العدوان على غزة وعارفين ان مصر مؤيدة وداعمة لحقوق الشعب الفلسطينى فى الدفاع عن أراضيه ضد الكيان المحتل ومصر أعلنت ده بوضوح للعالم كله بدل المرة عشرات المرات وعشان كده اسرائيل ما بتعملش حساب لأى دولة غير لمصر وأجهزة الاستخبارات الاسرائيلية ومراكز الأبحاث فى دولة الكيان المحتل بتركز كل شعغلها على مصر وعلى أى تحرك أو قرار بيصدره السيسي.. ومصر فى الملف ده واضحة وعندها مجموعة من الخطوط الحمرا أهمها رفض تهجير الفلسطينين خارج أراضيهم وتصفية القضية بدون حل الدولتين كمان وقف استهداف المدنيين.
ومن أول اشتعال الأوضضاع يوم 7 اكتوبر اللى فات ومصر اتحركت وبتحاول بكل الطرق تقدم الدعم والمساندة لاخواتنا فى غزة لرفع المعانة الانسانية اللى بيعيشها كل سكان القطاع مع استمرار حرب الابادة اللى بيمارسها جنود الاحتلال كل يوم. 
ولما اسرائيل رفضت تدخل المساعدات الانسانية لقطاع غزة مصر كمان ربطت فتح المعبر واخراج حاملى الجنسية الأمريكية الا بعد ادخال المساعدات ووقتها طلع مصدر سيادي وأعلن ان مصر مش هتفتح المعبر الا فى اطار اتفاق اشمل لتقديم المساعدات لأهالى غزة وقال كمان ان التصعيد سيقابل بالتصعيد.. والجملة الأخيرة دي تحديدا عملت حالة من الرعب فى اسرائيل لأن مصر لأول مرة من فترة طويلة تتكلم بلغة حادة وتهدد بالتصعيد لو حصل تجاوزات من الجانب الاسرائيلي. 
وحاليا القيادة فى دول الكيان المحتل بتعيد حساباتها وبعد تعنت شديد وافقت على فتح المعبر وعلى دخول جزء من المساعدات لأهل غزة وده حصل بسبب موقف مصر القوي واصرارها على الوقوف مع اخواتنا الفلسطينين فى ظل الظروف الصعبة اللى بيعيشوها ولولا مصر وموقفها المشرف كان الحصار على أهل غزة هيستمر وهتستمر معاه المعاناة الانسانية. 
طب ليه الاسرائيلين خايفين من رد فعل السيسي؟ 
الرئيس السيسي من القادة اللى مبيتكلموش كتير خصوصا لما يتعلق الأمر بالأمن القومي وكلنا شفنا فى الأزمة الليبية لما طلع وأعلن عن خط أحمر غير مسموح بتجاوزه ازاي الأمور استقرت لأن جيش مصر مبيهزرش والاسرائيليين اكتر ناس فى العالم عارفين الحقيقة دي وأكتر ناس الجيش المصري لقنهم درس صعب ينسوه فى حرب 73 وعشان كده اسرائيل ممكن تتعالى وتتجاهل أى دولة فى المنطقة الا مصر 
وعدد كبير من مراكز الأبحاث الاسرائيلية بدأوا يتكلموا عن خطورة اللى حصل من الجانب الاسرائيلي وطالبوا بمنع استفزاز مصر بأى شكل من الأشكال وحذروا القيادات عندهم من رد فعل مصر على اي تصعيد خصوصا ان الرئيس السيسي فى الملفات اللى زي كده مبيهزرش