ممرات وقناة بديلة وتجارة بالمليارات.. الأسباب الخفية لحرب غزة وعزل مصر
في السياسة والنزاعات المسلحة والصراعات اوعي تشوف الصورة من ساسة الفضائيات ولا اللي بتقوله الإذاعة والتقارير التحليلات والخبراء ولا من اللي بيحصل على. منصات السوشيال ميديا لأن كل صراع فيه اهداف خفية اترسمت في الغرف المغلقة ودائما كل صراع ليه أسباب وهمية معلنة وأسباب خفية وهي دي بتكون بسبب الحرب وزي ماقالوا في حرب العراق إن صدام عنده أسلحة نووية لكن الهدف الخفي كان القضاء على العراق القوي والاستفراد بدول الخليج وأحكام السيطرة هل سوق النفط وبيع أسلحة ضخمة للعرب وفتح باب للتطبيع مع الكيان وفي النهاية العراق ادمر والإعلام الغربي بيحاسب بوش وتوني بلير على كذبة السلاح النووي وقتل مليون عراقي وزي ما حصل في العراق حصل في أماكن كتير في العالم.. طيب إيه الأهداف الخبيثة لحرب الإبادة في قطاع غزة الفلسطيني وايه سر مخطط تهجيره وتفريغه من سكانه وايه حكاية القنوات الجديده وممرات التجارة .
العالم كله مستغرب من اندلاع الصراع في قطاع غزة الفلسطيني في التوقيت دا بالذات لكن في غرف الاستخبارات كل شيء بيتم في معاد وفاكرين لما الصحافة الأمريكية كشفت إن فيه شحنة مكيفات اتباعت لصالح الجيش الأمريكي وكان مكان التسليم البصرة في العراق ودا قبل الجيش الأمريكي مايروح أصلا وقبل الحديث عن الهجمات أو الغزو الأمريكي للعراق وقبل حتي ماتحصل مناقشات بسبب ادعاء وجود سلاح نووي قي العراق ودي الذريعة اللي احتلت بيها العراق بعدين ودا دليل مهم جدا إن مخططات الجيوش بترسمها أجهزة مخابرات قبلها بفترة طويلة وممكن تبقي قبلها بسنوات طويلة وهنا بيسموها استراتيجيات مستقبلية لمدة سنين قدام وأمريكا على سبيل المثال بترسم استراتيجيتها على مدار 50 سنة لقدام وبتنفذها.
القصد من كلامنا إن اللي بيحصل في غزة مش وليد الصدفة ولا رد فعل على طوفان الأقصى لأن السيناريو جاهزة ومطبوخ كويس وكان ناقص التوقيت بس ونرجع شوية فلاش باك عشان نعرف ايه اللي بيحصل حولينا من حوالي 3 سنين اسرائيل فكرت في شف قناة بديلة لقناة السويس واتحمست حدا للمشروع وبدأت الدراسات والتمويل والتخطيط والقناة دي تمتد من من ايلات لغزة رايح جاي واسمها قناة بن جورين ومتوقعين تجيب 6 مليار دولار في السنة ولأن المشروع دخل مرحلة الجد والتنفيذ فكان لازم اسرائيل تشوف حل في قطاع غزة عشان مايعطلش المشروع الإسرائيلي فكان الخطة خنق وحصار القطاع طول السنين دي والتضييق علي السكان وتحويله لسجن ضخم يفتقد لأبسط قواعد الحياة الآدمية والنتيجة ثورة أو انتفاضة في القطاع والاعتداء على إسرائيل عشان جيشها في النهاية يحصل على حرب ومبرر لتدمير القطاع وتغير خريطة الأمن فيه وتأمين مسار قناة بن جوريون لغاية البحر وإقامة مناطق عازلة حولين المجري الملاحي أو تغيير السيادة على القطاع.
ومش قناة بن جوريون السبب الوحيد لاختراع اسرائيل للحرب على القطاع لكن مش عاوزين ننسى قصة ممر بايدن واللي أعلن عنه بن سلمان في قمة العشرين الأخيرة بالهند واللي في النهاية بينتهي في الأراضي المحتلة الفلسطينية ودا بردوا محتاج تأمين لأنه هتمر فيه تجارة دولية وطبعا مش هينفع والشواطئ الإسرائيلية مهددة بالمقاومة القوية الفلسطينيية واللي ممكن تستهدف المواني والسفن والقطارات اللي شايلة البضائع.
طبعا مصر صاحية كويس وعارفة ايه اللي بيحصل وعشان كده الرئيس السيسي واقف بقوة ضد كل المخططات والتهجير. وتفريغ غزة وعشان كده كان قراره بتسليح القوات المسلحة وبناء الدولة المصرية عشان تكون مستعدة ليوم زي دا.. أرضها وبناتها معرضين لخطر حقيقي وفي وقت البلد كلها لازم تكون على قلب رجل واحد وإلا كلنا هنضيع ونخلي بالنا فيه بوراج حربية وحاملات طائرات أمريكية وبريطانية وإيطالية قريبة من شواطيء مصر دلوقتي عشان تحمي المخطط الإسرائيلي لانها مش جاية تلعب ولاتوزع شوكولاته على المصريين.. الموضوع كبير وخطر على الأمن القومي المصري.
