المساعدات هتدخل يعني هتدخل.. تفاصيل مكالمة عاصفة بين السيسي وبايدن
هو ايه اللي حصل بين السيسي وبايدن وايه هي تفاصيل المكالمات والرسائل العاصفة اللي بينهم وإزاي زعيم مصر فرص رأيه على اقوى قوة في العالم وأصر على إدخال المساعدات.. وايه التصريح الغريب اللي قاله رئيس القوى العظمى على ضهر الكوكب بخصوص عند وقوة شخصية السيسي .
هو ليه السيسيي بيشتري كل الأسلحة دي.. ليه السيسي بيشتري حاملات طائرات.. ليه السيسي بيبني قواعد ضخمة .. ليه السيسي بيسلح ويطور جيشه في وقت مفيش اي تهديد للدولة.. فاكرين كلنا خزعبلات وردح إعلام الإخوان لما الرئيس نفذ اكبر خطة تطوير وتسليح في الجيش في كل الافرع وبقى أداة ردع قوية وبقي ضمن اقوى 10 جيوش في العالم وإسرائيل بتقول الجيش المصري اقوي بكتير من التصنيفات المعلنة وفاكرين لما الرئيس قال في عرض عسكري فيه أسلحة جديدة بتظهر لاول مرة احنا عندنا كتير بس مخبيين.. كلها كانت استعدادات لأيام زي اللي احنا فيها دلوقتي لو انت ضعيف كان زمانك بتشوف سينا وهي بتروح منك تاني ومكانش رئيس مصر بيهدد ويحذر ويفرض كلمة بلده في المنطقة مكانش رؤساء العالم واولهم بايدن يتصل اكتر من مرة لاسترضاء السيسي وتليين موقفه المتشدد تجاه العدوان على غزة واصراراه على إدخال المساعدات ومكانتش امريكا خافت على اسرائيل وبعتت حاملات طائرات.
من أول الأزمة ومصر واحدة موقف قوي ومساند لحقوق الفلسطينيين وكانت ضهرهم وحذرت من الاستمرار في الحرب على المدنيين العزل في القطاع والضفة وكان الموقف المصري القوي سبب في قلق امريكا على إسرائيل ورد السيسي القوى على طرح استغلال سيناء كوطن بديل وبسرعة أمريكا حاولت تحتوي الموقف المصري وطلعت تصريحات لاول مرة ضد استهداف المدنيين وتقديم الدعم المالي للفلسطنيين وبدأت نبرة امريكا العدائية ضد الفلسطينيين تخف شوية عشان ماتغضبش القاهرة اكتر من كده.
مص. جهزت مساعدات وقالت لكل دول العالم اللي عاوز يدهل مساعدات لغزة يبعتها على مطار العريش وكأن الرئيس السيسي متأكد إنه هيقدر يدخلها وإلا مكانش يحرج نفسه وبلده وإسرائيل عارفة مصر السيسي لما تقول حاجة مش بتهزر وبفعل جبان قامت إسرائيل باستهداف وتدمير بوابة معبر رفح من الجانب الفلسطيني عشان مصر ماتقدرش تمنع مصر من إدخال المساعدات لكن كانت المفاجأة الصادمة لما مصر بدأت تصلح طريق الممر تاني في رسالة قوية لإسرائيل لعدم اللعب بالنار.
مع خطورة الموقف أمريكا عرفت إن استفزاز مصر اكتر من كده ممكن ينتهي بكارثة وجي الرئيس بايدن المنطقة وكان المفروض فيه قمة رباعية بين بايدن والسيسي وملك الاردن ورئيس السلطة الفلسطينية لكن القادة العرب لغوها بعد قصف مستشفى المعمداني الوحشي ولأول مرة قادة عرب يرفضوا يقابلوا رئيس أمريكي وبايدن فهم الرسالة وإن الصبر بدأ ينفذ عند الرئيس السيسي وأجرى محادثات هاتفية مع الرئيس السيسي واللي أصر فيها رئيس مصر على دخول المساعدات فورا وخوفا من الغضب المصري بايدن استجاب وقال تصريح غريب بعدها وقال بالنص اخدت وقت طويل لإقناع الرئيس السيسي بإدخال المساعدات يوم الجمعة.. تخيل كده رئيس اقوى دوله في العالم بيسترضي رئيس مصر عشان يصبر الكام ساعة دول ويطلع كمان يقول دا للعالم.. ايه العظمة والقوة المصرية.
بعد تصريحات بايدن طلع رئيس وزراء الكيان الإسرائيلي وأعلن إن إسرائيل لاتمانع في إدخال مصر للمساعدات.. هي دي قوة مصر وهو دا زعيمها وهو دا الفكر اللي سابق عصره في تطوير شامل للقوات المسلحة المصرية عشان النهاردة الكل يعملها ألف حساب.
