عم أحمد السنان..السّن صنعة |فيديو

الحكاية مش نصل ومقص وسِن ياعم أحمد ياسنان.. دي حرفة وفن وسنين شقى وخبرة.. زمان كان السن حجر دلوقتي بقى ليزر، سنين طويلة بيلف الحجر ويدور من غير تعب.. وفي الحب المهنة كله يتوه ويدوب.
من سنين السنين وعم أحمد عشق السّن من أيام الحجر الميه وفي المطرية دكانه موصوف بيروحله الجزار والشيف والجراح والكوافير والحلاق من كتر الخبرة بقى توكيل سن الآلات الحادة المعتمد في مصر كلها.

بيسن السكين من غير مايسيب فيه أثر ومتخصص سن آلات الجراحة الدقيقة وكمان أدوات الباديكير ومقصات الحلاقة وكمان متخصص في سن السكاكين البراند واللي تمنها غالي جدا وبتيجي من بره للشيفات وبيرجعها جديدة زي ماكانت.

20 سنة واكتر بين حجار السن من أول حجر الجرانيت لما يجي من الجبل لغاية السن بالليزر ولكل حجر سعره وميزته، ... المهنة عمرها ما هتختفي لأن مفيش حد يقدر يستغنى عن السنان واسألو عم أحمد عن سر الصنعة.