ظهر وغرب مينا يرفعوا إنتاج مصر.. 250 مليون قدم مكعب يوميًا
250 مليون قدم مكعب غاز يوميًا.. مصر تستهدف إضافة الكمية دي للإنتاج قبل نهاية 2026
والرقم ده مرتبط بحقلين في البحر المتوسط.. حقل ظهر وحقل غرب مينا، ضمن خطة الدولة لزيادة إنتاج الغاز الطبيعي محليًا.
التحرك مش واقف بس عند الحقلين دول، لكن فيه شغل بالتوازي على تنمية الحقول الموجودة، وتسريع تحويل الاكتشافات الجديدة إلى إنتاج فعلي، وكمان تكثيف أعمال البحث والاستكشاف.
وزير البترول أكد إن زيادة الإنتاج المحلي من الغاز مهمة لتقليل فاتورة استيراد الغاز وتأمين احتياجات السوق.
وكمان الغاز بيمثل عنصر أساسي لقطاعات مهمة، وعلى رأسها الكهرباء والصناعة، خصوصًا مع احتياج المصانع لكميات منتظمة من الطاقة.
والبحر المتوسط تحديدًا بيحتاج استثمارات ضخمة، خصوصًا في مناطق المياه العميقة.. والدليل إن تكلفة حفر بئر "فيلوكس-1" في غرب البحر المتوسط وصلت لحوالي 95 مليون دولار.
يعني مصر بتحاول تزود الإنتاج من الحقول القائمة، وفي نفس الوقت تسرّع دخول الاكتشافات الجديدة على خريطة الإنتاج.
والهدف المعلن قبل نهاية 2026.. إضافة 250 مليون قدم مكعب غاز يوميًا من ظهر وغرب مينا.
