حج القرعة 2027.. آخر فرصة للتقديم و3 طرق تسجل بيها قبل غلق الباب

لو نفسك تحج السنة الجاية، خلي بالك، التقديم في حج القرعة 2027 بدأ بالفعل، ووزارة الداخلية فتحت باب التسجيل لموسم حج 1448 هجريًا.

التقديم بدأ يوم الأربعاء 12 أغسطس 2026، وآخر موعد للتقديم هو الخميس 27 أغسطس، يعني لازم تخلص إجراءاتك قبل الميعاد ده.

وتقدر تقدم بأكتر من طريقة، سواء من خلال مراكز وأقسام الشرطة، أو إلكترونيًا عن طريق بوابة الحج، وكمان من خلال مركز تلقي طلبات الحجاج.

ولو هتقدم أونلاين، هتدخل بياناتك الأساسية، زي الرقم القومي، ورقم الموبايل، وبيانات أحد الأقارب للتواصل معاه في حالة الفوز.

ولو عندك مرافق، لازم تسجل بياناته وتحدد صلة القرابة بشكل صحيح، بالإضافة للبيانات الصحية المطلوبة.

كمان لازم تقر إنك مستوفي الشروط الصحية، وما تكونش أديت فريضة الحج قبل كده.

وفي النهاية، راجع بياناتك كويس، وسدد قيمة طلب التقديم إلكترونيًا، عشان طلبك يدخل القرعة العلنية.