أبحاث نووية في أنشاص تتحول لمشروعات.. إيه الحكاية؟

وزير الكهرباء الدكتور محمود عصمت عمل زيارة مهمة لموقع هيئة الطاقة الذرية في أنشاص، علشان يتابع أحدث المشروعات والأبحاث اللي شغال عليها الباحثين هناك.

الزيارة ركزت بشكل أساسي على تحويل الأبحاث العلمية لحلول ومشروعات تقدر تحقق عائد اقتصادي وتقلل الاستيراد.

ومن أبرز المشروعات اللي اتعرضت، مشروع للاستفادة من مخلفات استخراج الفوسفات، وتحويلها لحمض فوسفوريك نقي يدخل في الزراعة والصناعة.

كمان اتعرض مشروع للاستفادة من خام الجلوكونيت وإنتاج مواد بتستخدم في الصناعات المعدنية.

وفي مشروع تاني مهم لتحلية المياه المالحة وشديدة الملوحة، باستخدام تقنية صديقة للبيئة، وجرى تطبيقها بالفعل في تنقية مياه بحيرة عين الصيرة.

والوزير تابع كمان استخدام مواد الجيوبوليمر كبديل للأسمنت التقليدي، بتكلفة أقل واستهلاك كهرباء أقل.
وأكد أن الهدف هو تحويل الأبحاث لمنتجات ومشروعات حقيقية تدعم الاقتصاد وتوطن التكنولوجيا في مصر.