"أرخص علبة بـ 125 جنيهاً".. خريطة أسعار حلوى المولد 2026 في المحلات
الأحد 09/أغسطس/2026 - 02:30 ص
لو ناوي تشتري حلوى المولد السنة دي.. استنى قبل ما تدفع.. الأسعار في المحلات عاملة تفاوت كبير جدًا.. وبتبدأ من 125 جنيه للعلبة الاقتصادية، وتوصل لحد 8500 جنيه للعلب الفاخرة.
العلبة الأرخص اللي تم رصدها سعرها 125 جنيه، وبتضم مجموعة من الأصناف الأساسية زي السمسمية والفولية والحمصية والملبن والدومية.
أما لو بتدور على علبة أكبر وتشكيلة متنوعة بالمكسرات، فالأسعار بتزيد حسب عدد القطع ومكونات العلبة.
وفي الطرف التاني، فيه علب فاخرة وصل سعرها لـ8500 جنيه، وبتضم عشرات القطع من الحلوى والمكسرات وأصناف مختلفة من الملبن والنوجا والطوفي.
يعني الفرق بين أرخص وأغلى علبة وصل لـ8375 جنيه!
فلو هتشتري حلوى المولد.. قارن الأسعار والمحتويات كويس قبل ما تختار العلبة المناسبة لميزانيتك.
