بعد انخفاض أسعار الدولار.. العربيات هترخص امتى؟

تخيل تبقى مستني تشتري عربية جديدة وفجأة الأسعار تبدأ تنزل بدل ما تطلع

ده بالضبط اللي متوقع يحصل في سوق السيارات خلال الأسابيع الجاية، بعد ما الجنيه المصري بدأ يقوى قدام الدولار وينزل من مستويات كانت قرب 54 جنيه لأقل من 50 جنيه.

الخبر ده خلا خبراء وتجار سيارات يتوقعوا إن أسعار عربيات كتير ممكن تشهد انخفاضات تدريجية بسبب تراجع تكلفة الاستيراد.

وكمان السوق حاليًا بيعاني من حالة ركود، لأن ناس كتير أجلت قرار الشراء ومستنية الأسعار تنزل أكتر، وده خلّى ظاهرة الأوفر برايس تختفي من موديلات كتير بعد ما كانت صداع للمشترين

ومع قرب نزول موديلات 2027، الوكلاء والموزعين هيبقوا تحت ضغط أكبر لتصريف المخزون الحالي، وده ممكن يدفع الأسعار لمزيد من التراجع

يعني لو كنت ناوي تشتري عربية، ممكن تكون الأسابيع الجاية فيها مفاجآت حلوة للمشترين