السياحة في مصر رايحة على فين؟.. قفزة غير متوقعة في الطريق النص

صندوق النقد الدولي متوقع إن إيرادات السياحة في مصر توصل لـ 28.7 مليار دولار بحلول 2031.. طب ده معناه إيه؟ إن القطاع ده لسه عنده مساحة نمو ضخمة جدًا.

خلينا نبص على الأرقام.. إيرادات السياحة متوقع توصل لـ19.9 مليار دولار بنهاية العام المالي الجاري، ولـ 21.1 مليار في 2027 وبعدين 23.6 مليار في 2028، لحد ما تقرب من 29 مليار بحلول العام المالي 2030-2031.

مش بس كده.. في الربع الثالث من 2025، مصر سجلت أعلى إيرادات سياحية في تاريخها 5.48 مليار دولار في 3 شهور بس! بنمو 30% عن الربع اللي قبله وحوالي 20% مقارنة بالسنة اللي قبلها.

وكمان عدد السياح مستهدف يوصل لـ 21 مليون سائح بعد ما كان حوالي 19 مليون.. يعني ببساطة.. السياحة بقت واحدة من أهم مصادر العملة الصعبة في مصر.