شقق الإسكان الاجتماعي.. مين ليه حق يحجز وإزاي تقدم؟

لو بتفكر تحجز شقة في الإسكان الاجتماعي، يبقى لازم تعرف الشروط كويس.. أول حاجة لازم تكون مصري، وسنك ما يقلش عن 21 سنة.. وكمان تكون من نفس المحافظة أو شغال فيها.

مهم جدًا كمان ما تكونش أنت أو أسرتك أخدت شقة مدعومة قبل كده،
وكمان دخلك يكون ضمن الحدود اللي محددها صندوق الإسكان.

طيب الشقق شكلها إيه؟ حوالي 50 ألف وحدة كاملة التشطيب، بمساحات 75 و90 متر، وجاهزة بالسكن بمرافق كاملة.

وموجودة في أماكن كتير زي: أكتوبر الجديدة، العبور الجديدة، العاشر من رمضان، السادات، وأسيوط وسوهاج الجديدة.

طيب تحجز إزاي؟ بتدخل على موقع صندوق الإسكان، تعمل حساب على منصة مصر الرقمية، تقرأ كراسة الشروط كويس، وتدفع الرسوم ومقدم الحجز.

يعني ببساطة لو الشروط مناسبة ليك، دي فرصة قوية تاخد شقة جاهزة وتبدأ حياة جديدة.