250 فرصة تدريب وتشغيل للشباب بالإسكندرية.. رواتب تبدأ من 8 آلاف جنيه

شباب الإسكندرية، انتوا جاهزين؟ وزارة العمل أعلنت بالتعاون مع واحدة من كبرى شركات الاستشارات الهندسية عن 250 فرصة تدريب وتشغيل للشباب من كل التخصصات الهندسية والفنية والإدارية.

البرنامج مش بس تدريب.. ده خطوة حقيقية لدخول سوق العمل: مرتبات تبدأ من 8 آلاف جنيه، وتأمينات ومعاشات كاملة، و5 أيام عمل و2 يوم عطلة.

والمميز كمان إن التدريب عملي، على برنامج الأوتوكاد وأحدث التقنيات الهندسية، مع صقل المهارات الشخصية: العمل ضمن فريق، إدارة الوقت، والالتزام بمعايير الجودة والسلامة المهنية.

والأفضل من ده كله، المتميزين بعد انتهاء التدريب ممكن يحصلوا على فرص تشغيل فعلية داخل الشركة، يعني مش مجرد شهادة على ورق، لكن وظيفة حقيقية ومستقبل مهني.. والتقديم سهل جدًا.. كل اللي عليك تعمل عليه تدخل على موقع وزارة العمل الرسمي وتقدّم قبل ما الفرصة تفوتك.