بعد زيادة معاش تكافل وكرامة.. إزاي تستعلم وتصرف معاشك؟

تم تطبيق زيادة جديدة بقيمة 400 جنيه، وناس كتير بتسأل: أستعلم إزاي؟ وأقبض منين؟ برنامج تكافل وكرامة التابع لـ وزارة التضامن الاجتماعي بدأ صرف المعاش بعد الزيادة الجديدة، والمبلغ متاح من خلال أكتر من طريقة.

أولًا.. لو عايز تستعلم عن حالة المعاش:
ادخل على الموقع الرسمي لوزارة التضامن الاجتماعي.
اختار خدمة "الاستعلام عن حالة الدعم".
اكتب رقمك القومي 14 رقم صح.
اضغط استعلام.. وهتظهر لك النتيجة فورًا، سواء مستحق أو تحت المراجعة أو موقوف.

الخطوات دي مهمة جدًا عشان تتابع موقفك بدون ما تروح أي مكتب.. طيب هتقبض منين؟

المعاش متاح من خلال:
ماكينات الصراف الآلي للبنوك.
ماكينات نقاط البيع عند بعض التجار.
مكاتب البريد المصري.

يعني تقدر تختار أقرب مكان ليك وتصرف بسهولة.

ولو لسه مقدم جديد وعايز تعرف إجراءات التقديم في 2026، الموضوع بيبدأ من وحدة الشؤون الاجتماعية اللي تابع ليها حسب عنوانك.. بتقدم طلب رسمي، وبعدها بيتم بحث اجتماعي ميداني للتأكد من البيانات، وبعدين الملف بيروح للجنة المختصة للمراجعة..لو اتقبلت، اسمك بيتضاف لكشوف الصرف وبتبدأ تستلم المعاش بشكل منتظم.. المهم تتأكد إن بياناتك كاملة وصحيحة عشان ما يحصلش تأخير أو رفض.

زيادة الـ 400 جنيه خطوة مهمة لدعم الأسر المستحقة، خصوصًا في ظل الظروف الاقتصادية الحالية، والمتابعة الإلكترونية خلت الموضوع أسهل وأسرع من أي وقت فات.