عربيتك القديمة بقت أغلى من الذهب.. ايه الحكاية؟

فاكر لما كانت العربيات القديمة مجرد هواية للأغنياء؟ الكلام ده اتغير.. العربيات الفاخرة والكلاسيكية النادرة، بقت أصول استثمارية قيمتها بتزيد مع الوقت أكتر من العقارات واليخوت والأعمال الفنية.

لدرجة إن بنك "جي بي مورجان"، أكبر بنك في أمريكا، قرر يعاملها معاملة الدهب، وبقى بيدي قروض بالملايين بضمانها.

يعني لو معاك عربية فيراري قديمة أو بوجاتي نادرة، دي مبقتش مجرد عربية مركونة. دي بقت كنز حقيقي في إيدك. زي كريستيانو رونالدو اللي عنده أسطول من 40 عربية نادرة.

العربيات دي مش مجرد رفاهية، دي استثمار بمليارات.. القرار ده بيوضحلنا إزاي عالم الاستثمار بيتغير، وإن حتى شغفك بالعربيات ممكن يتحول لمصدر فلوس.