بلاش تشتروا شقق دلوقتي.. الأسعار هتنزل لحد 25%

لو ناوي تشتري عقار في 2026 لازم تعرف آخر التطورات.. الخبراء بيقولوا السوق العقارية هتشهد تصحيح قوي في الأسعار بعد فترات تسعير مبالغ فيها خلال السنتين اللي فاتوا.

الأسعار اللي اتحسبت قبل كده كانت على أساس دولار بين 100 و120 جنيه.. دلوقتي الدولار مستقر حوالى 47 جنيه.. وكمان طن الحديد نزل من أكتر من 50 ألف جنيه لنحو 38 ألف جنيه. ده كله بيخلي إعادة تقييم الأسعار ضرورية.

تراجع أسعار الفائدة في البنوك كمان ساعد على تهدئة المضاربات وتراجع التسعير المبالغ فيه.. التوقعات بتقول إن الانخفاض ممكن يوصل لحد 25٪ مقارنة بعام 2024 و2025.. وده بسبب الركود وتراجع الطلب بعد الزيادات القياسية.

والمهم تعرفوا إن التصحيح هيطال المشروعات الجديدة بس الوحدات اللي اتعاقد عليها قبل كده مش هتتأثر.. يعني أهم حاجة تبعدوا عن السماسرة نهائي وتحسبوا صح قبل أي خطوة شراء.