أتوبيسات دورين صناعة مصرية.. نقلة تاريخية في قطاع النقل

لو قولتلك إنك قريب اوي هنشوف في الشوارع أتوبيسات دورين صناعة مصرية 100٪.. وده مش كلام اللي بيحصل في قطاع النقل دلوقتي مش مجرد تجديد دي نهضة حقيقية.

إحنا بنتكلم عن 529 أتوبيس وميني باص جديد بمواصفات عالمية دخلوا الخدمة تكييف وكراسي مريحة وشواحن موبايل وحتى شاشات عرض.. الموضوع مش بس منظرة ده تطوير شامل لشركات شرق الدلتا وغرب ووسط الدلتا وإيجيبت باص.. يعني مفيش شبر في مصر مش واصله التطوير ده... من الدلتا لحد قلب الصعيد والبحر الأحمر.

والمبهر بجد إن الموضوع هيبقى ديجيتال.. من اول الحجز الإلكتروني.. وغرفة مراقبة بالـ GPS عشان نضمن الأمان والالتزام بالمواعيد لحظة بلحظة وحتى السواقين بيتدربوا في مبادرة سائق واعٍ عشان سلامتك.