الـ3 فرخات بتمن كيلو جبنة.. رئيس اتحاد الدواجن يحسم جدل استغلال التجار
الـ 3 فرخات بسعر كيلو جبنة.. الفترة الأخيرة فيه جدل كبير على أسعار الفراخ وبالذات بعد ما اسعارها غليت فجأة والناس بدات تسأل هو الغلا ده حقيقي ولا استغلال.
لكن خليني اقولك أن رئيس اتحاد الدواجن خرج يحسم الجدل ده ويقول مفيش أي مبالغة واللي حاصل طبيعي ومؤقت.. سببه زيادة الطلب بعد فطار الأقباط ومع مواسم رجب وشعبان قبل رمضان.
ووضح أن السعر في المزرعة 70 جنيه وللمستهلك 80 جنيه وده سعر عادل لأن الفراخ سلعة مبتتخزنش وكل حركة سعر فيها عرض وطلب
كمان تكلفة الإنتاج في الشتا بتعلى بسبب التدفئة والوقود ورغم إن السعر دلوقتي عالي إلا إنه كان قبل كده نازل لـ 55 جنيه أقل من التكلفة الإنتاج اللي وصلت 70 جنيه.. ووقتها المنتج هو اللي كان خسران.
وأكد أن الدولة وفرت الأعلاف والعملة الصعبة فالإنتاج زاد جدا وسعر الكتكوت نزل من 35 لـ 25 و27 جنيه ومع دخول رمضان المعروض هيبقى كبير والإنتاج أعلى 20% عن السنة اللي فاتت
