زيادة الأجور 70%.. إيه الضوابط الجديدة لساعات العمل الإضافية؟
السبت 10/يناير/2026 - 01:30 ص
إيهاب عبدالعاطي، المستشار القانوني لوزير العمل، وضح شوية تفاصيل مهمة بخصوص ساعات العمل الإضافية في القانون الجديد.
وقال إن القاعدة الأساسية بتقول إن الشغل آخره 8 ساعات في اليوم أو 48 ساعة في الأسبوع، وده طبعاً من غير ساعة الراحة والغدا.
لكن لو اضطريت تشتغل ساعات زيادة، فده بيعتبر استثناء وليك فيه مقابل مادي محترم.. ولو الساعات دي بالنهار، هتاخد أجر إضافي ميقلش عن 35% زيادة عن ساعتك العادية.
ولو الساعات دي بالليل، النسبة بتوصل لـ 70% كحد أدنى.. ولو اشتغلت في يوم إجازتك الأسبوعية، لازم تتعوض مادياً أو تاخد يوم بداله.
