لو فاكر إن سبارك عربية صغيرة.. شيفروليه عندها مفاجأة ليك

لما بنسمع اسم "شيفروليه سبارك"، أول حاجة بتيجي في بالنا هي العربية الصغيرة بتاعت زمان.. بس شيفروليه قررت تمسح الصورة دي من دماغك خالص.

الاسم رجع، بس في جسم عربية جديدة تمامًا: SUV كهربا بالكامل. طب إيه مواصفاتها؟ بتمشيك 360 كيلو في الشحنة الواحدة، وبتشحن بسرعة، في 35 دقيقة بس على الشاحن السريع. ومن جوه، مليانة تكنولوجيا، شاشات ديجتال، آبل كار بلاي وأندرويد أوتو، وكل أنظمة الأمان الحديثة. يعني من الآخر، شيفروليه بتقولك انسى كل اللي تعرفه عن السبارك القديمة.