بتبدأ من 580 ألف جنيه.. أرخص 5 عربيات في مصر

لو انت بتدور على عربية زيرو تكون رخيصة وعملية في زحمة 2026.. فتعالى اقولك على 5 ختيارات بأسعار معقولة جداً وكلهم أوتوماتيك وتحت الـ 750 ألف جنيه.

أول واحدة هي ستروين إيمي ودي أرخصهم بـ 585 ألف جنيه عربية كهربائية بالكامل وموفرة جداً في المصاريف ومثالية للمشاوير السريعة في الزحمة بتتشحن في 4 ساعات وبتمشيك 75 كيلو في الشحنة.

تاني اختيار هي سوزوكي إسبريسو وسعرها حوالي 620 ألف جنيه عربية اعتمادية جداً وموفرة في البنزين ومرتفعة عن الأرض فبتناسب الشوارع المصرية وحجمها الصغير بيسهل عليك الركن في أي مكان.

أما تالت عربية هي شانجان Alsvin ودي بتبدأ من 660 ألف جنيه عربية سيدان مريحة ومناسبة للعائلات الصغيرة ومواصفاتها كويسة جداً مقارنة بسعرها وبتعتبر من أنجح العربيات الصيني في الفئة دي.

رابع اختيار هي ميتسوبيشي أتراج وسعرها في حدود 710 ألف جنيه ودي ياباني بجد موفرة جداً في استهلاك البنزين وموتورها هادي وعملية جداً للاستخدام اليومي الشاق.

آخر واحدة هي سوزوكي سويفت وبسعر 740 ألف جنيه ودي الشبابية رقم واحد في الفئة دي ثابتة على الطريق وشكلها شيك جداً وبتنزل بمواصفات رفاهية ممتازة.