اسحب فلوسك من الـATM من غير ما تدخل الكارت.. اعرف الطريقة الجديدة
الأحد 04/يناير/2026 - 01:15 ص
عمرك روحت تسحب فلوس والماكينة اخدت منك الكارت؟ طيب اسمع الجديد بقى .. دلوقتي تقدر تسحب فلوسك بلمسة واحدة من غير ما تدخل الفيزا في الـATM أصلا.
لو شوفت على الماكينة علامة الواي فاي
يبقى الماكينة بتدعم السحب اللاتلامسي.
بس وقتها تعمل إيه؟ تقرب الفيزا من العلامة، تدخل الرقم السري وتختار سحب وتاخد فلوسك.. بس كده!
والميزة في ده إنه أمان أعلى والكارت ميضيعش و أسرع وأسهل.
ولو كارتك مش مفعل كلم خدمة العملاء
أو عدي على أقرب فرع وفي دقيقة تتفعل.. بس خليك فاكر مش كل الماكينات بتدعم الخدمة لازم تتأكد الأول.
