زلزال في سوق العربيات.. إيه اللي حصل في الساعات اللي فاتت

سنة 2025 كانت سنة الزلزال في سوق العربيات في مصر.

بعد 3 سنين من الأسعار الخيالية، كل حاجة اتقلبت.. أسعار الزيرو نزلت بنسب وصلت لـ 20%.

طب إيه اللي حصل؟ الدولار استقر، وبدأنا نصنع عربيات أكتر في مصر، والاستيراد رجع تاني.

ده غير إن أكتر من 15 علامة تجارية جديدة دخلت السوق، ومعظمهم صيني، فالمنافسة قلبت أوي.

بس المشكلة الحقيقية كانت في سوق المستعمل.

في الأول التجار كانوا معاندين ومش عايزين ينزلوا الأسعار، لكن مع انهيار أسعار الزيرو، السوق بتاعهم وقع تمامًا.. باختصار، 2025 كانت سنة المشتري.