متشطبة وقسط 1500 فقط.. تفاصيل أضخم طرح شقق في 2026
الجمعة 19/ديسمبر/2025 - 12:38 ص
نفسك في شقة ومش معاك مقدم الإسكان الاجتماعي؟
وزارة الإسكان بتجهز لطرح شقق "الإيجار التمليكي" في بداية 2026.. يعني إيه الكلام ده؟
يعني حضرتك هتستلم شقة متشطبة بـ "الإيجار"، هتدفع مبلغ بسيط كل شهر بيبدأ من 1500 جنيه، ومع الوقت الإيجار ده بيتحسب من ثمن الشقة وفي الآخر بتبقى ملكك.
الميزة هنا إن أقل دخل مطلوب هو 2500 جنيه بس، يعني فاتحة بيت بجد للشباب.
المرحلة الأولى هتكون في محافظات زي الجيزة والمنوفية والشرقية، والدولة هتدعمك بمبلغ يوصل لـ 60 ألف جنيه يتخصم من إيجارك عشان الدنيا تبقى سهلة عليك.
مدة الإيجار بتبدأ من 7 سنين وممكن توصل لـ 30 سنة.. المهم تكون جاهز ببطاقتك وبطاقة الخدمات لو من ذوي الهمم عشان ليك أولوية.
