لو غيرت شكل البلكونة أو ركبت حديد.. شقة الإسكان هتتسحب فورا

فيه حركة ناس كتير بتعملها اول ما تستلم شقة الاسكان الاجتماعي وهي انها تغير لون الواجهة او تقفل البلكونة بطريقة مختلفة او حتى تركب حديد بشكل يغير شكل العماره.

خلي بالك.. الحركة دي ممكن تطير منك الشقة!

قانون الاسكان الاجتماعي واضح جدا.. الواجهة دي "ملكية عامة" وشكلها موحد وصندوق الاسكان بيعتبر اي تغيير فيها مخالفة جسيمة.

لو لجنة الضبطية القضائية عدت وشافت انك غيرت في الواجهة..

اول حاجة هتحصل انك هتاخد غرامة مالية تقيلة..

ولو مرجعتش كل حاجة زي ما كانت ممكن الموضوع يوصل لسحب الشقة وفسخ العقد.

الدولة عايزة شكل المدن الجديدة يفضل منظم ومنسق..

فلو عايز توضب شقتك.. وضب من جوه زي ما انت عايز.. لكن الواجهة "خط احمر".