جاموس ينتج 15 كيلو لبن يوميا وبالتقسيط.. مفاجأة الزراعة للمربين والفلاحين
الأحد 23/نوفمبر/2025 - 07:00 ص
وزارة الزراعة بدأت مبادرة جديدة لدعم المربين.. وبتوفر عجول جاموس إيطالي بإنتاجية لبن عالية جدا.
الجاموس ده بيطلع من 8 لـ 12 لتر لبن يوميًا.. ومع الرعاية الصح بتوصل إنتاجيته لـ 15 لتر في اليوم!
ده غير إن اللبن بتاعه غني بالدسم والبروتين ومثالي لصناعة الجبنة ومنتجات الألبان.
بس الميزة الكبيرة ان المبادرة بتديك تقسيط مريح جداً:
مقدم من 20 لـ 30%
تقسيط لحد 5 سنين بفائدة بسيطة 5% بس.
أول 6–9 شهور إعفاء من السداد
ولازم تكون المزرعة مرخصة وتورد اللبن لمراكز التجميع.
ولو محتاج تقدم بتروح مديرية الزراعة أو الطب البيطري في محافظتك وتطلب عدد الرؤوس اللي محتاجها.
خطوة قوية لزيادة إنتاج الألبان، وفرصة ذهبية لأي مربي عايز يطور مشروعه.
