تطورات مهمة في سوق الدهب.. يا ترى الأسعار رايحة على فين؟
يا ترى إيه اللي بيحصل دلوقتي في سوق الدهب.. وليه المعدن الأصفر ما سقطش رغم التوقعات الكبيرة بأنه ممكن ينهار بعد ما الحكومة الأمريكية رجعت تفتح.. وإيه توقعات الأسعار الأيام الجاية؟
أول حاجة لازم نفهمها الدهب مستقر في الساعات الأخيرة، سواء في الأسواق العالمية أو المحلية.. وفي مصر على سبيل المثال، الأسعار ما تحركتش بشكل درامي جدًا مع نهاية الإغلاق رغم أن الأوقية العالمية لعبت دور.. لكن في نفس الوقت في أسواق عالمية، الأونصة ارتفعت، وده مدعوم بعدة عوامل اقتصادية أساسية.
طب ليه الدهب ما نزلش كما توقع البعض؟
ده سؤال مهم جدًا، لأن كان في توقعات كبيرة إن سعره ينزل بعد إعادة فتح الحكومة الأمريكية.. أولًا.. الدولار الأمريكي تراجع بعد انتهاء الإغلاق الحكومي، الدولار فقد جزء من قوته، وده دعم الدهب كملاذ آمن… ثانيًا، المستثمرين مش مقتنعين تمامًا بالاتجاه الإيجابي اللي ظهر مع فتح الحكومة: في قلق إن الإغلاق الطويل ممكن يكون سبّب أثر اقتصادي سلبي.
البيانات الاقتصادية الأمريكية المتأخرة (زي الوظائف) غالبًا اتأثرت بالإغلاق، وده خلق غموض أكبر.. وبعض المحللين شايفين إن المستثمرين لسه بيراهنوا إن الفيدرالي هيخفض الفائدة في الاجتماع الجاي، خصوصًا مع ضعف المؤشرات.
ثالثًا.. في طلب فعلي من البنوك المركزية وصناديق الاستثمار: تقارير بتقول إن فيه زيادات في احتياطي الذهب وتدفقات داخل الصناديق، وده بيرفع الطلب الحقيقي.
رابعًا.. حالة عدم اليقين السياسي والمالي لسه موجودة: ورغم إن الحكومة اتفتحت، إلا إن المخاطر مكملّة، وده بيخلي ناس كتير تفضّل الملاذات الآمنة.
طب بناءً على اللي حاصل دلوقتي وإشارات السوق، إيه اللي ممكن يحصل الفترة الجاية؟
لو الفيدرالي فعلاً خفض الفائدة في ديسمبر ده هيدعم الذهب بقوة، لأن خفض الفائدة يقلل تكلفة الاحتفاظ بالذهب ويزيد جاذبيته.. والمستثمرين اللي متوقعين خفض جديد ممكن يزودوا مراكزهم، وده يرفع الطلب.
و لو البيانات الأمريكية طلعت أقوى من المتوقع.. يعني لو الوظائف أو النمو الاقتصادي اتحسن جامد، الفيدرالي ممكن يقلل وتيرة الخفض.. ده هيضغط على الذهب، خاصة لو الدولار رجع يقوى.
فاللي بيحصل في سوق الدهب هو حالة توازن دقيقة: رغم إن الإغلاق الحكومي الأمريكي انتهى، وكان المتوقع إنه يضغط على الذهب، إلا إن عوامل تانية زي تراجع الدولار، المخاطر الاقتصادية، وتوقعات خفض الفائدة بيدعموا المعدن الأصفر.
الدهب دلوقتي في حالة استقرار مؤقت لكنه مدعوم، لا صعود قوي ولا هبوط حاد.. الاتجاه القادم هيحدده اجتماع الفيدرالي، البيانات الاقتصادية الأمريكية، وتحركات البنوك المركزية والصناديق.
