أرخص مشروع وأسرع مكسب.. أغنام مصرية بتخلف 130 مرة في السنة
لو كنت بتدور على مشروع مربح وسهل، ومش محتاج رأس مال كبير ولا مجهود، فخليك جاهز تسمع عن "مشروع الذهب الأبيض".
مشروع بسيط ممكن يخليك تكسب دهب في وقت قياسي، وكل ده من سلالة أغنام مصرية قلبت الموازين.
أغنام وزن الذكر فيها بيعدي 100 كيلو، والأنثى بتخلف أكتر من 130 حمل في السنة!
تعالوا نعرف القصة من الأول ونعرف إزاي المربين في مصر بيكسبوا دهب من مشروع بسيط زي ده.
الموضوع بدأ لما سلالة الأغنام الرحماني بقت حديث المربين في مصر.
السلالة دي مصرية 100%، وبتعتبر من أكتر الأنواع اللي بتجيب ربح عالي وسريع.
الذكر فيها بيوصل وزنه لحوالي 110 كيلو، والأنثى حوالي 85 كيلو، وكمان نسبة التوائم فيها خرافية بتوصل لأكتر من 130 حمل لكل 100 نعجة!
يعني كل مرة النعجة ممكن تخلف أكتر من توأم، وده معناه إن الإنتاج بيزيد بشكل سريع جدًا.. تخيل بقى كل ده مع مصاريف قليلة ومجهود بسيط.
معهد بحوث الإنتاج الحيواني أكد إن مشروع تربية الأغنام من أقل المشاريع تكلفة، ومش بيحتاج تجهيزات خاصة، وممكن يتعمل في أي مكان سواء مزرعة صغيرة، أو حتى في حوش البيت.
الأهم إنه من المشاريع اللي مكسبها مضمون وسريع، لأن اللحمة الضاني سعرها دايمًا عالي وسهل تتباع في السوق.
وزارة الزراعة كمان بدأت تشجع الناس تدخل المجال ده، خصوصًا مع السلالات المحلية اللي بتتحمل الجو المصري ومش بتحتاج رعاية معقدة.
الهدف مش بس المكسب، لكن كمان تقليل استيراد اللحوم وزيادة الإنتاج المحلي.
بس الرحماني مش الوحيدة اللي تستحق الاستثمار!
فيه كمان سلالة الأوسيمي، ودي أصلها من منطقة أوسيم، لونها أبيض وراسها بني أو أسود، وسريعة النمو جدًا
نسبة التوأم فيها حوالي 1.2، يعني إنتاجها ممتاز من أول سنة.
وكمان عندك سلالة البرقي بطلة الصحرا اللي بتقدر تعيش على أقل أكل، ولحمها خالي من الدهون، وده بيرفع سعرها جدًا في السوق.
وعشان تبقى عارف بقى مميزات مشروع تربية الأغنام ده كتير جدًا:
عندك مثلا ان تكلفته قليلة جدًا لأنه بيعتمد على الرعي والأعلاف البسيطة، ودورة الإنتاج قصيرة، يعني الفلوس بتلف بسرعة.
والنعاج بتتوالد بسرعة، فالمكسب بيزيد كل موسم، وممكن تبدأ المشروع في أي مكان ومش محتاج تكون خبير.
كمان الأغنام بتدي منتجات تانية غير اللحمة: لبن وصوف وجلود، وكل ده ممكن يتحول لفلوس إضافية
يعني مشروع واحد بيكسبك من كذا اتجاه، وبيخلق فرص شغل كمان في الريف والمناطق الزراعية.
غير كده، الأغنام دي بتتكيف مع أي جو سواء حر الصحرا أو برد الريف وده بيخليها مناسبة لأي حد في مصر عايز يبدأ مشروع مضمون.
في النهاية، مشروع تربية الأغنام يعتبر من أرخص المشاريع اللي ممكن تبدأها، وسريع العائد، ومناسب جدًا للمبتدئين
مش بس هتكسب، لأ، ده كمان هتحس بالاستقرار، وتكون جزء من دعم الثروة الحيوانية في مصر.
يعني ببساطة الغنم بقت كنز، واللي يبدأ النهارده، بكرة هيعدّ الأرباح زي الدهب!
