مصر دخلت عصر المستقبل.. أكبر مجمع للهولوجرام والكروت الذكية في الشرق الأوسط!
الجمعة 10/أكتوبر/2025 - 04:00 ص
مصر بتصنع المستقبل فعلاً.. النهارده عندنا أكبر مجمع للهولوجرام والكروت الذكية في الشرق الأوسط، وموجود في مجمع الوثائق المؤمنة بالعاصمة الإدارية.. مجمع مصر للتقنيات الذكية وأمن المعلومات بيدخلنا عصر جديد من التكنولوجيا والأمان.
المكان العملاق ده فيه أحدث خطوط إنتاج للهولوجرام ثنائي، وثلاثي، وحتى رباعي الأبعاد! وكمان بينتج كروت الدفع الذكية، والأوراق المؤمنة، والجوازات الإلكترونية.
الموضوع مش بس صناعة.. ده كمان فيه مركز بيانات ضخم ومؤمن ضد أي هجوم إلكتروني. يعني التكنولوجيا المصرية بقت بتتكلم لغة المستقبل فعلاً
والمجمع كمان مجهز بمحطات مياه وكهربا وغاز مستقلة علشان يشتغل بكفاءة 24 ساعة في اليوم، من غير ما يتأثر بأي ظرف خارجي.. كل ده بيخلي مصر من الدول الرائدة عالميًا في مجال عناصر الأمان الذكي والتقنيات الحديثة
