كارثة في الأسواق.. تحذير عاجل بخصوص النوع ده من الفراخ: خطر عليك وعلى أولادك!
الخميس 02/أكتوبر/2025 - 02:30 ص
تخيل تروح تشتري فراخ من محل وتفتكر إنك جبت صفقة رخيصة وفرحت، لكن الحقيقة إنك ممكن تكون جبت خطر كبير على صحتك وصحة اولادك ، لكن ازاي؟
في نوع فراخ اسمه "دواجن السردة"، الوزن بتاعها صغير قوي كيلو أو كيلو ونص الفراخ ده فيها مشاكل في النمو، يعني مش صالحة للأكل الآدمي أصلا.
والمفروض الفراخ دي تتوجه لمصانع المخلفات عشان يعملوا منها أعلاف أو مسحوق سمك، لكن في بعض التجار بيقطعوها ويبيعوها صدور أو وراك أو بانيه بأسعار رخيصة عشان يغرو الناس.
سامح السيد، رئيس شعبة الدواجن بالغرفة التجارية بالجيزة، صرح إن الموضوع ده خطير جدا على صحة الناس، وإن الحل الوحيد هو وقف البيع العشوائي والاعتماد على المجازر المعتمدة اللي بتضمن منتج صحي وآمن.
أما بقى الكلام اللي بيتقال عن "فراخ الأربعين يوم" أو "دواجن الهرمونات" فهو مجرد إشاعات مالهاش أي أساس من الصحة.
