هيبقى قطعة من باريس.. مجمع التحرير هيتحول لفندق عالمي.. إيه القصة!
هيبقى قطعة من باريس ومدريد.. بـ قرض بـ312 مليون دولار هيحولوا مجمع التحرير من مكان قديم ارتبط بالبروتين والرحمة لفندق سياحي عالمي.
هتشوف فيه 500 غرفة وجناح وشقق فاخمة... وحمام سباحة بإطلالة على وسط البلد.. بس يا ترى إيه سر التطوير ده ومين اللي وراه.. تعالوا نعرف ايه الحكاية.
من قلب الزحمة لمكان شكله من برة باريس مين كان يتوقع إن مبنى مجمع التحرير اللي كان رمز للروتين والمشاوير والمكاتب القديمة هيتحول لفندق فاخر عالمي اسمه كايرو هاوس.
تحالف بنوك بقيادة بنك مصر والعربي الأفريقي ومعاهم بنك القاهرة ونكست بيجهزوا قرض بـ312 مليون دولار علشان المشروع يكمل ويتحول المبنى لفندق تحت إدارة ماريوت وتحديدًا بعلامة أوتوجراف كولكشن.
يعني قريب وإنت ماشي في ميدان التحرير هتشوف 500 غرفة وجناح وشقق فاخمة مطاعم وحمام سباحة فوق السطح بيطل على وسط البلد كأنك في كارديف ولا مدريد بس إنت في القاهرة.
المشروع مش بس فندق هو جزء من خطة كبيرة لإحياء وسط البلد كلها وتغيير شكلها بالكامل وجذب استثمارات وسياحة من كل حتة.
الشغل على المشروع اتأخر شوية لكن التمويل ده هيكون الدفعة اللي كانت ناقصة عشان العجلة تدور من جديد ويبقى عندنا مبنى تاني بيتحول من مجرد مبنى إداري لمعلم سياحي عالمي.
الموضوع أكبر من مجرد تجديد ده نقلة في شكل المدينة وروحها من طوابير الموظفين لصفوف الحجز من مجمع التحرير لمعلم فندقي بيحكي حكاية جديدة عن القاهرة اللي راجعة تبهر وتخطف الأنظار.
