مشروعات استثمارية وأنشطة تجارية.. الدولة ترد جميل للمصريين العاملين بالخارج
الدولة عامية ترد كميل المصريين العاملين بالخارج لما وقفوا جنب بلدهم في أزمة نقص العملات الأجنبية.. ياتري الحكومة هترد الجميل ده ازاي.. وهل الدولة بتفكر تديهم ميزات مختلفة عن كل طوائف الشعب المصري.
المصريين العاملين بالخارج بقي لهم مكانة كبيرة جدا في تفكير الحكومة المصرية، خصوصا أن بعد الدور البطولي اللي قاموا بيه خلال الأيام اللي فاتت لما وقفوا جنب بلدهم وتحويلاتهم سندت مصر في أزمتها الدولارية واللي كانت مصر بتعاني فيها من نقص العملات الأجنبية بالبنوك .
علي مدار السنين اللي فاتت كان مصر عندها أزمة كبيرة في دخول تحويلات المصريين العاملين بالخارج في القنوات الرسمية للدولة واللي هيا البنوك الموجودة في مصر، وكانت أغلبهم تحويلاتهم كانت للاسف رايحة للسوق السودا في التجارة بالعملات خصوصا انها كانت بتدي فرق سعر اعلي من السعر الرسمي لصرف العملات الأجنبية بالبنوك.
في الربع الأول من 2024 الدولة اخذت قرار تاريخي وكان له عامل السحر في تحويل إيرادات المصريين العاملين بالخارج للقنوات الرسمية في الدولة، وهو تحرير سعر الصرف في مصر بشكل مرن، واللي اللي خلي سعر الصرف في البنوك مساوي ويمكن اعلي من سعره في السوق السودا وبالتالي كل المصريين. اهاليهم اتجهوا للبنوك الوطنية علشان يغيروا العملات وده لأسباب كتيرة جدا أولهما أن البنوك بتديهم نفس سعر الصرف اللي موجود في السوق الموازية ده غير انها بتوفر لهم الحماية الكاملة في فلوسهم، وده عكس السوق السودا واللي كانت السبب في ضياع شقي السنين لناس كتير كانوا للاسف ضحايا لعمليات نصب.
التحرير المرن لسعر الصرف خلي تحويلات المصريين في البنوك ترتفع بأرقام كبيرة يوم ورا التاني، وخلال 9 شهور من بداية يوليو 2024 ولحد مايو 2025 تحويلات المصريين العاملين بالخارج حققت أكثر من 32 مليار دولار بزيادة 69.6% عم الارقام اللي كانت موجودة في نفس الفترة من السنة اللي فاتت .
الأرقام الكبيرة خلت الدولة تفكر ازاي تكافئ المصريين العاملين بالخارج وتزيد من ارتباطهم ببلدهم مصر وكمان تزود إيراداتهم عن طريق المشروعات الاستثمارية في الاقتصاد المصري، وعلشان كده الدولة طرحت عدد كبير من المشروعات اللي مخصصة للمصريين العاملين بالخارج زي مشروعات بيتك في مصر ومرزاعتك في مصر، ده غير قطع الاراضي اللي مخصصة برضوا لهم، والتقديم علي النوعيات دي من المشروعات بيكون عن طريق المواقع الالكتروني للوزارة، وبيكون السداد بالدولار وبكده الدولة بتضمن فتح باب دولاري مندع ولاد بلدنا في الخارج، وبتزود إيراداتنا الدولارية من مشروعات الإسكان، وكمان قدمت هدية للمصريين العاملين بالخارج وبقي لهم شقق سكنية أو اراضي أو مزارع بتجيب لهم دخل وكمان بيدفعوا ثمنها الي أقساط محددة وبتسهيلات كبيرة في السداد.
