بـ60 ألف جنيه.. أغلى علبة حلوى المولد في مصر من طنطا
الخميس 04/سبتمبر/2025 - 09:42 ص
الناس كلها بتحتفل بالمولد النبوي الشريف.. وفي اللى بيجري عشان يشتري حلاوة المولد والملبن واللوز، عشان الطقس ده جزء من عاداتنا وتقاليدنا.
بس في صورة غريبة انتشرت على السوشيال ميديا من مركز طنطا في محافظة الغربية عملت جدل كبير.
علبة حلاوة مولد سعرها وصل لـ 60 ألف جنيه.
مش أي علبة، دي فيها أكتر من ألف نوع من الحلوى المختلفة والمتنوعة.
حاجة تخلي الواحد يقول: "60 ألف جنيه على حلوى؟ ده مولد ولا قصر؟!"
الناس على السوشيال ميديا اتقسمت، في ناس استغربت من السعر واعتبرته مبالغ فيه، وفي ناس شايفة إن ممكن تكون العلبة دي هدية فخمة ومميزة.
وطبعًا، في وسط كل ده، السؤال اللي لازم نسأله:
هل فعلاً تستاهل حلوى المولد السعر ده؟ ولا دي مجرد مبالغة في السوق؟
