38 ألف دولار منحة لكل عريس وعروسة.. أغرب دعم حكومي لحل أزمة المواليد
تخيل كده لو الحكومة قالتك.. اتجوز وأنا هدفعلك فلوس.
ده بالظبط اللي عملته كوريا الجنوبية مؤخرًا، أعلنت عن برنامج جديد بيدي دعم مالي للأزواج اللي لسه متجوزين يوصل لـ 38 ألف دولار، يعني أكتر من مليون و200 ألف جنيه مصري.
الخطوة دي جاية بعد ما كوريا بقت عندها واحدة من أقل معدلات المواليد في العالم، لدرجة إن معدل الخصوبة هناك أقل من طفل واحد لكل سيدة، وده كارثة اقتصادية واجتماعية على المدى الطويل.
الحكومة مش بس هتدي فلوس كاش، لا، كمان في حوافز للسكن والتعليم، عشان الشباب يقدروا يبدأوا حياتهم من غير ما يغرقوا في الديون.
الموضوع ده مش غريب، في دول تانية زى سنغافورة واليابان جربت سياسات مشابهة: منح مالية، دعم حضانات، وحتى إجازات مدفوعة للآباء.
السؤال بقى: هل تتوقع إن يجي اليوم والخطوة دي تتطبيق في مصر؟.. شاركنا بتعليقك قولنا لو اتعرض عليكم 38 ألف دولار عشان تتجوز… هتقول يلا بينا؟ ولا هتفضل تفكر؟
