ارتفاع مفاجئ للذهب.. وهدوء حذر في سوق الدولار
رصدت بانكير، خلال الساعات الأخيرة، عدد من الملفات على الساحة المحلية والعالمية، التي تم نشرها عبر منصاتها المختلفة، والتي يأتي من أبرزها، ارتفاع مفاجئ للدهب، وهدوء حذر في سوق الدولار، وعودة جميع خدمات إنستاباي.
نبدأ من سوق الصاغة… أسعار الدهب النهارده طلعت لفوق، وعيار 21 وصل لـ 4620 جنيه للجرام، وده أكتر عيار الناس بتشتريه في السوق.
عيار 24 بقى أغلى عيار في مصر، وصل لـ 5280 جنيه للجرام.
أما عيار 18 فسعره النهارده حوالي 3960 جنيه للجرام، وعيار 14 بـ 3080 جنيه.
الجنيه الدهب وصل سعره لـ 36960 جنيه، وده وزنه 8 جرام من عيار 21.
وطبعًا الأسعار بتختلف من محل لمحل على حسب المصنعية، اللي بتتراوح ما بين 150 لحد 400 جنيه، وده حسب نوع العيار والمحل والمحافظة.
نيجي لسوق العملات الأجنبية… سعر الدولار مقابل الجنيه النهارده ثابت تقريبًا في البنوك.
البنك المركزي: 48.48 شراء – 48.62 بيع.
مصرف أبو ظبي الإسلامي: 48.52 شراء – 48.62 بيع.
البنك العقاري المصري العربي: 48.72 شراء – 48.82 بيع.
بنك نكست: 48.42 شراء – 48.52 بيع.
أما بالنسبة لـ إنستاباي… الخدمة رجعت تشتغل تاني بعد ما وقفت شوية الصبح علشان تحديثات دورية.
التحديثات كانت من الساعة 4 لحد 6 صباحًا، وده كان ممكن يأثر على بعض الخدمات وقتها، والشركة كانت أعلنت الموضوع قبلها علشان الناس تبقى مستعدة، وشكرت العملاء على تفهمهم.
وأخيرًا… أحمد كجوك وزير المالية أكد إن الحكومة مركزة على استغلال موارد وأصول الدولة بأفضل طريقة، وبتدعم الشركات العامة علشان تكبر وتحقق أرباح، وكل ده ضمن خطة لتحريك الاقتصاد وزيادة التصدير وجذب الاستثمار.
وفي لقاؤه مع محمد شيمي وزير قطاع الأعمال العام في العاصمة الإدارية، قال إنهم بيشتغلوا على تسهيل إجراءات التسويات المالية بين شركات قطاع الأعمال والجهات التابعة لوزارة المالية، علشان يبقى فيه استدامة مالية وعدل في الضرائب والمنافسة.
