2.2 مليار جنيه لتمويل 51 ألف مشروع صغير ومتناهي.. شوف إزاي الحكومة بتدعم الشباب
يا ترى إيه اللي ممكن يحصل لما الحكومة تضخ 2.2 مليار جنيه في مشاريع الشباب، وإزاي الدعم ده ممكن يغير حياة آلاف؟
في خطوة قوية لدعم الشباب والعمل الحر، وده بيكون من خلال جهاز تنمية المشروعات اللي ضخ أكتر من 2.2 مليار جنيه في مشاريع صغيرة ومتناهيه الصغر في محافظة الإسكندرية بس.
والنتيجة، هي تمويل أكتر من 51 ألف مشروع، وتوفير حوالي 110 ألف فرصة عمل، يعني الدولة مش بتتكلم.. الدولة بتشتغل بجد، والتركيز الأكبر كان على المشروعات الصناعية، خاصة في برج العرب ومنطقة مرغم الصناعية.
وده طبعا بيحصل لان الصناعة هي العمود الفقري لأي اقتصاد، والمشروعات الإنتاجية دي هي اللي فعلاً بتخلق فرص عمل وتغذي السوق المحلي.
والموضوع مش بس فلوس، لا ده جهاز تنمية المشروعات بيساعد الشباب في كل حاجة، زي تمويل سهل وبشروط مرنة، ةتدريب وتأهيل قبل ما تبدأ مشروعك، وخدمات فنية ومتابعة عشان مشروعك ينجح، ةومؤخرا تسهيلات ضريبية جامدة جدا بفضل قانون 6 لسنة 2025، يعني تدفع ضريبة بسيطة تبدأ من 0.4% على حجم نشاطك، وكمان إعفاء من أنواع كتير من الضرائب والدمغات
وخلال الاجتماع، تم تسليم شيكات تمويل مباشر لعدد من أصحاب المشاريع، وكمان شهادات توفيق أوضاع وتصنيف، يعني مشاريع كانت في الظل دلوقتي بقت رسمية وليها كيان قانوني، واللي رسمي يقدر يستفيد بكل حاجة.
ومن هنا، قال رئيس الجهاز زار مكتبة الإسكندرية، واتفق مع إدارتها على تفعيل التعاون في ملفات دعم تمكين المرأة اقتصاديا، يعني دعم مش بس للشباب، لأ كمان للستات، وده يفتح الباب لشركات صغيرة تقودها ستات وتحقق أرباح حقيقية.
والخلاصة، هي ان كشاب، لو عندك فكرة مشروع، فالدولة بتقولك "إحنا معاك ووراك"، يعني في فلوس موجودة وتدريب متاح وكمان تشريعات متسهلة، والمطلوب منك انك تتحرك وتبدأ وتشتغل.
