الثلاثاء 01 يوليو 2025
رئيس التحرير
عمرو عامر
رئيس التحرير
عمرو عامر
اقتصاد مصر

مصر بتعمل عظمة فى الصين.. 88 مشروع صناعي هيغيروا نظرة العالم للاستثمار فى مصر

الثلاثاء 01/يوليو/2025 - 04:30 ص
اللقاءات بين المسؤولين
اللقاءات بين المسؤولين في مصر والصين

يا ترى إيه حكاية مشاركة مصر بـ 88 مشروع صناعي في معرض دولي في الصين، وهل المشاركة دي مجرد شكل، ولا فيها عائد حقيقي على الصناعة المصرية؟

حاليا، مصر ضيف شرف معرض دولي في الصين السنة دي بدعوة رسمية من وزارة الصناعة الصينية،وده بيعكس احترام وتقدير لدور مصر في دعم المشروعات الصغيرة، واللي فعلا حصل فيه نقلة كبيرة في آخر سنين.

والمعرض ده، بيضم 88 مشروع صناعي من مصر، بجناح مصري كبير فيه قاعة خاصة للتعاقدات، يعني مش بس عرض منتجات وخلاص، لأ ده في شغل حقيقي على فتح أسواق جديدة وتوقيع صفقات مع مستثمرين من دول تانية.

ومن هنا، قال باسل رحمي، الرئيس التنفيذي لجهاز تنمية المشروعات، إن المشاركة القوية دي بتأكد على التطور الكبير اللي حصل في القطاع ده في عهد الرئيس السيسي، وان مصر بتشتغل على التعاون مع الصين لنقل تكنولوجيا، وخطوط إنتاج حديثة، يعني مش بس نصدر، لأ ده كمان نطور اللي جوه بلدنا.

بردو، جهاز تنمية المشروعات وهيئة المعارض شغالين مع بعض ومع وزارة الاستثمار، عشان يسهلوا على رواد الأعمال إنهم يشاركوا ويظهروا في محافل دولية كبيرة زي دي، وده مهم جدا علشان نفتح أبواب تصدير لمنتجاتنا الصناعية الصغيرة والمتوسطة.

والكلام ده، بيأكد إن الحكومة ملتزمة بتقديم كل الدعم لجذب الاستثمارات الأجنبية، وفب نفس الوقت توسيع حضور المنتج المصري في الأسواق العالمية.

زنقدر نقول، إن المشاركة دي بتفتح باب كبير لتعاون مصريذ مع الصين في المستقبل، سواء من ناحية التصنيع أو توفير معدات حديثة أو حتى تدريب الكوادر، وطبعا كل ده بيخدم رواد الأعمال والمصانع الصغيرة اللي محتاجة نقلة حقيقية.

والخلاصة، يعني اللي بيحصل مش مجرد سفر وتمثيل، لأ، دي فرصة ذهبية علشان نوسع انتشار منتجاتنا، وننقل تكنولوجيا متطورة لمصر، ونقلل الضغط على الدولار من خلال توطين صناعات كتير كنا بنستوردها.