موسم هجرة المستثمرين إلى السوق المصري.. إيه أسباب الاقبال التاريخي لمسثتمري الصين على مصر
مصر تحولت للوجهة الرئيسية للاستثمار الأجنبية خصوصا الاستثمارات الصينية، ياتري اية السر في الهجوم الكبير في الاستثمارات الصينية في مصر، ومستهدفات الاقتصاد المصري من الاستثمارات دي.. واية ابرز المجالات اللي بتدخل فيها.
التسهيلات الكبيرة اللي قدمتها الحكومة لدخول الاستثمارات الأجنبية للسوق المصري خلت كبري الشركات العالمية والاستثمارات الأجنبية عندها هدف وتارجيت انه يكون لها فروع في السوق المصري، خصوصا أن السوق المصري تحول لسوق جاذب للصناعات المختلفة، وكمان بيوفر بنية تحتية ممتازة للاستثمارات سواء الانتاج أو التصدير، ده أن سوق مستمر وبعيد تماما عن التحولات الجيوسياسية اللي بتحصل في العالم، ده غير أن الحكومة دلوقتي عندها هدف رئيسي وحقيقي شغالة عليه وهو تحويل مصر لمركز اقليمي للتبادل التجاري، والهدف ده بيخلي المستثمري قلبه مطمئن علي الفلوس اللي هيحطها في المشروعات ، وضامن أنه مش هيجي تاني يوم يلاقي السوق المصري قرر تهجير المستثمرين.
طيب اية هيا المحفزات اللي الحكومة اعلنت عنها لزيادة وتشجيع الشركات والاستثمارات الأجنبية للدخول للسوق المصري؟.
من بداية الفترة الرئاسية الجديدة للرئيس عبد الفتاح السيسي، وهو اصدر تكليفات للحكومة للنهوض بقطاع الصناعة وتحويل مصر لمركز اقليمي للتبادل التجاري، وفتح ابواب للدخل الدولاري لمصر من قطاع الصناعة، ومن لحظة إصدار التكليفات الرئاسية والحكومة بدأت تترجم التكليفات دي علي الأرض وحطت استراتيجية قومية للنهوض بقطاع الصناعة، والاستراتيجية دي بتستهدف الوصول بالصادرات المصرية لتحقيق 140 مليار دولار في 2030.
وعلشان الدولة توصل لهدفها وتحققق الرقم المستهدف من الصادرات، فالحكومة قدمت تسهيلات كبيرة لدخول المستثمرين واصحاب رؤوس الأموال الأجنبية للدخول للسوق المصري، والتسهيلات دي بدأت بالتعديلات التشريعية واللي كانت كلها عقبات بتهدد دخول الاستثمارات الأجنبية للسوق المصري، وبعدها الحكومة قدمت تسهيلات للمستثمرين للدخول للسوق المصري والتسهيلات دي كانت عبارة عن تسهيلات في الحصول علي الأراضي اللازمة لبناء وإقامة المشروعات، وكمان الحكومة قدمت تسهيلات في الحصول علي التراخيص اللازمة لاقامة المشروعات ودلوقتي الحكومة لمتها كلها في رخصة واحدة اسمها الرخصة الذهبية واللي بقت كافية للبناء والتشغيل.
طيب اية سر الهجوم الكبير من الشركات والاستثمارات الصينية للدخول للسوق المصري؟.
في الكام شهر اللي فاتوا وتحديدا من بعد قرار الإدارة الأمريكية بفرض رسوم جمركية جديدة علي الورادات للسوق المصري، في نسبة كبيرة من الاستثمارات الصينية دخلت السوق المصري، وده بسبب التوترات اللي موجودة حاليا بين الصين والولايات المتحدة الأمريكية، والاحتمالات اللي بتاكد أن الرئيس الأمريكي دونالد ترامب اكيد هيرجع في يوم ويقر الرسوم الأمريكية مرة تانية، والرسوم دي للاسف مغلظة جدا علي الصناعة والبضائع اللي خارجه من السوق الصيني ، وبالتالي كل المستثمرين من بدري بدوا يلموا نفسهم ويفشوا اسواق تانية يكون لها علاقات كويسة مع الولايات المتحدة الأمريكية ويكونش عليها رسوم جمركية كبيرة وده اللي موجود في مصر واللي الرسوم الجمركية المفروضة عليها مش هتتعدي 10% ودي نسبة مناسبة جدا للمستثمرين.
