مصر تدخل عصر تصنيع الحاويات.. إيه الحكاية؟
إيه العظمة اللي بتعملها مصر في مجال صناعة الحاويات، واللي هتخليها مركز عالمي في التجارة العالمية وتبادل السلع والبضائع والحاويات العملاقة.. بس يا ترى إيه الجديد اللي بتعمله مصر في قطاع الموانئ واللوجستيات.
الحكومة بتقوي الاقتصاد بكل الطرق الممكنة، وماشية بخطوات ثابتة، ضمن خطتها القومية لتطوير المواني وتحويل مصر إلى مركز لوجستي عالمي، في خطوة استراتيجية لتعزيز مكانتها كمركز إقليمي للنقل البحري والخدمات اللوجستية.
مصر طورت من نفسها في كل القطاعات، وده بعد ما حصلت وزارة النقل المصرية، على موافقة عدد من ابمؤسسات الدولية المتخصصة في قطاع الشحن واللوجستيات، لتنفيذ مشروع توطين وتصنيع الحاويات في مصر، وده هيكون وفقا لأعلى المعايير العالمية.
طب تفكير مصر وصل لفين؟
الحكومة المصرية قررت أنها تخاطب كل الشركات الملاحية العالمية الكبيرة، واللي منها شركات ميرسك وإم إس سي وسي إم جي وهاباج لويد وإيفرجرين، وده عشان تبحث فرص تصدير الحاويات اللي بتتصنع محليا في مصر، وكمان الاطلاع على خطوط الإنتاج المخططة، وده عشان تتأكد من مطابقتها للمعايير الدولية، وضمان جودة التصنيع عشان نقدر ننافس في السوق العالمية من حيث المتانة والكفاءة والسعر.
يا ترى أول خطوة مصر عملتها كانت إيه؟
مصر بتعمل أول مصنع للحاويات بميناء الإسكندرية، وده ضمن خطتها عشان توطين صناعة الحاويات، واللي هيكون على مساحة 273 فدان كرمحلة أولى، مع خطة مستقبلية للتوسع لحد 600 فدان، مش بس وكده، ده شركة عز الدخيلة هتتولى إعداد الدراسات الفنية والهندسية للمصنع، بس المهم يكون فيه التزام كامل بالمواصفات العالمية للطاقة الإنتاجية والحلول التقنية اللي هنستخدمها في الصناعة
طب الهدف من المصنع ده إيه؟
طبعا مصنع الحاويات ده هدفه كبير جدا، والغرض منه أنه بيساعد على خفض الاعتماد على الحاويات المستوردة، وتوفير العملة الصعبة وتحقيق وفورات اقتصادية، ده غير أنه هيفتح آفاق جديدة للصادرات الصناعية، وكمان هيخلق فرص عمل مباشرة وغير مباشرة، والأهم من كل ده أنه هيقدم خدمة كبيرة لمصر وهيخليها أكبر مركز عالمي لتجارة الترانزيت.
ويتماشى مشروع تصنيع الحاويات مع رؤية الدولة لتطوير منظومة النقل متعدد الوسائط، عبر تكامل الموانئ البحرية مع البرية والجافة، وربطها بشبكة طرق حديثة ومنظومة لوجستية متكاملة.
