خطوة جديدة للوصول بالإيرادات الجمركية لـ1.1 تريليون جنيه.. شوف إيه اللي بيحصل
خطوة جديدة من الحكومة لتحفيز الاستثمارات الأجنبية في السوق المصري، وكمان هتدخل لمصر اكثر من تريليون جينة بشكل مباشر.. يا ترى ايه هيا الخطوة دي وايه عائداتها علي الاقتصاد المصري.
يوم ورا التاني والحكومة بتاخذ خطوات علشان تحفز الاستثمارات الأجنبية في السوق المصري، وده ضمن خطة كبيرة لتحفيز الاستثمارات الاجنبية في السوق المصري وتحويل مصر لمركز اقليمي للتبادل التجاري والوصول بالصادرات المصرية لـ140 مليار دولار.
الخطوات اللي قامت بيها الحكومة لتحفيز دخول الاستثمارات الأجنبية للسوق المصري واللي تضمنت تسهيلات في الحصول علي الاراضي اللازمة لبناء المشروعات والتسهيلات التانية اللي قدمتها الحكومة لتسهيل حصول المستثمرين علي التراخيص اللازمة من خلال تقديم الرخصة الذهبية للمستثمرين واللي هيا عبارة عن موافقة واحدة شاملة للبناء والتشغيل ، ودي رخصة كافية وبديلة عن الموافقات الكتيرة والرهيبة اللي كانت مطلوبة من المستثمرين زمان، علشان ياخذ موافقة ويبدأ رحلة الاستثمار في السوق المصري.
طيب اية هيا الخطوة الجديدة اللي بتقدمها مصر للمستثمرين؟.
الحكومة المصرية اقرت حزمة تعديلات جديدة على قانون ضريبة القيمة المضافة، كخطوة جديدة ضمن مسار الإصلاحات اللي الحكومة اتفقت عليها مع صندوق النقد الدولي لتوسيع القاعدة الضريبية وتحقيق العدالة المالية، وإنجاز المراجعة الخامسة الجارية للصندوق من شهر مايو اللي فات.
الحزمة الجديدة من التعديلات الجمركية اللي الحكومة ممثلة في وزارة المالية قدمتها لمجلس النواب في مشروع موازنة العام المالي الجديد 2025-2026، بتستهدف رفع الحصيلة الإجمالية من ضريبة القيمة المضافة بما فيها ضريبة الجدول لـ 1.1 تريليون جنيه، مقارنة بـ 828 مليار جنيه في موازنة السنة اللي فاتت بزيادة أكثر من 270 مليار جنيه.
التعديلات الجديدة اللي اقرتها الحكومة في منظومة الاجراءات الجمركية بتتضمن زيادة الضريبة القطعية على كل شرائح السجائر بنسبة 50 قرش، ورفع الحد الأدنى للسعر بنسبة 23.5% علشان يوصل سعر العلبة لـ 48 جنيه، والتقديرات المبدئية لوزارة المالبية بتستهدف الوصول لحصيلة من ضرائب التبغ بقيمة 111.7 مليار جنيه في العام المالي اللي جاي مقارنة بـ 95.2 مليار جنيه العام الحالي .
التعديلات الجديدة تضمنت كمان تضمنت كمان زيادة ايرادات نشاط المقاولات لضريبة القيمة المضافة بالسعر العام لـ 14% بدل من 5% المعمول بها في الوقت اللي فات، والتعديل هدفه تقلّص التكلفة الإجمالية للخدمة،وحاليا من حق المقاولين خصم واسترداد الضريبة على المعدات والآلات المستخدمة في تنفيذ العقود، والتعديلات الجديدةالحكومة بتستهدف منها رفع الحصيلة الضريبية من نشاط المقاولات لـ 6 مليار جنيه، مقارنة بـ 2.875 مليار جنيه فقط في موازنة السنة اللي فاتت .
الخطة الجديدة للتعديلات الجمركية تضمنت كمان تعديل طريقة حساب ضريبة القيمة المضافة على المشروبات الكحولية وهيتم فرضها كضريبة قطعية بترتفع علي حسب نسبة الكحول في المنتج بدل من النسبة المئوية اللي كانت بيتم العمل بها في الوقت اللي فات، وهترفع الضريبة بنسبة 15% بشكل سنوي لمدة ثلاث سنوات.
