زودت الإيرادات 38% خلال 10 شهور.. أهداف الحكومة من التسهيلات الضريبية الجديدة
في كلام كتير انتشر الفترة اللي فاتت عن تسهيلات ضريبية جديدة بتقدمها الحكومة للمستثمرين وأصحاب رؤوس الأموال.. ياتري اية حكاية التسهيلات دي.. واية هدف الحكومة منها.. وهل الحكومة عايزة تشيل الضرائب من على المستثمرين.
الفترة الرئاسية الجديدة الحكومة بتستهدف جذب وزيادة الاستثمارات الأجنبية في كل القطاعات، وعلشان كده الحكومة قدمت تسهيلات كتيرة للمستثمرين وأصحاب رؤوس الأموال للدخول للسوق المصري، والتسهيلات اللي قدمتها الحكومة كانت عبارة عن تسهيلات في الحصول علي الاراضي اللازمة لبناء واقامة المشروعات الصناعية، وده غير التسهيلات اللي قدمتها الحكومة برضوا للحصول على التراخيص اللازمة لبناء وتشغيل المشروعات واللي حاليا الدولة اختصرتها في صورة موافقة واحدة اسمها الرخصة الذهبية.
الخطة الحكومية اللي الحكومة بتطبقها في الوقت الحالي هدفها تسهيل اجراءات دخول الاستثمارات الاجنبية للسوق المصري، الخطة دي بدأت بتعديلات كتيرة في الاجراءات التشريعية خصوصا ان القوانين المصرية القديمة واللي الحكومة كانت شغالة بيها كان كلها عوائق بتمنع وبتحجم دخول الاستثمارات الأجنبية للسوق المصري، والتشريعات دي كانت واحدة من اهم عوامل تطفيش المستثمرين من السوق المصري.
حاجة بسيطة من الحاجات اللي كانت بتحصل مع المسثتمرين في السنين اللي فاتت، هيا اجراءات الحصول علي التراخيص وكان المستثمر من دول علشان ياخذ موافقة واحدة علي مشروع أو مصنع عايز يبنه كان لازم يلف لفه طويلة علي عدد كبير من الوزارات والهيئات الحكومية علشان ياخذ موافقات وتصاريح، وممكن في الأخر يجي عنده جه ما ويرفضوا يدولوا الموافقة لاي سبب، وكان المشروع كله يقف ويفشل، وكانت البلد بتخسر باب جديد من ابواب منتج كان هيدخل يكفي النقص المحلي في الانتاج وكمان كان ممكن يكون فيه فائض للتصدير وبالتالي كان هيكون مدخل جديد من مداخل الناتج القومي المصري.
اللفة الطويلة دي والمشاوير اللي كان بيعلمها المستثمرين واللي كانت بتاخذ شهور وممكن كانت توصل لسنين علشان ياخذ الموافقات المطلوبة للبناء والتشغيل واللي كانت غالبا بتفشل بسبب تعنت اي جهة في اصدار موافقاتها كانت بتخلي اي مستثمر عايز يدخل السوق المصري يفكر الف مصر قبل ما ياخذ قراره، والحكومة حلت اللفة دي كلها دلوقتي وبسطتها وقدمتها علي طلب من الماظ للمستثمرين في ورقة واحدة اسمها الرخصة الذهبية واللي بتكون كافية للمستثمرين واصحاب رؤوس الاموال للدخول للسوق المصري والبناء والتشغيل كمان.
طيب اية حكاية التسهيلات الضربية الجديدة اللي بتقدمها الحكومة للمستثمرين ؟.
في الوقت الحالي الحكومة اعلنت عن تقديم حزمة جديدة من التسهيلات الضربية للمستثمرين واللي الهدف منها هو الحفاظ على الانضباط والاستقرار المالي، ودعم الأنشطة الاقتصادية ورفع الأعباء الضربية علي المستثمرين وده اللي خلي الإيرادات الضريبية زادت خلال الـ10 شهور اللي فاتوا بنسبة 38%.
الحكومة أكدت في الوقت الحالي انها بتستهدف إعلان برنامج جديد للمساندة التصديرية وهيتك فيها اتخاذ إجراءات استثنائية لخفض معدلات الدين من خلال مبادلة وتحويل بعض المديونيات إلى استثمارات في الاقتصاد المصري.
