طالع ولا نازل؟.. شوف توقعات أسعار الدهب الأيام الجاية
يا ترى هو الدهب طالع ولا نازل الفترة الجاية؟، الأسعار رايحة على فين وهل ممكن تحصل مفاجأة تقلب الموازين في سوق الصاغة قريب؟ طب الناس اللي عايزة تشتري أو تبيع تعمل إيه؟
في الحقيقة، أسعار الدهب في مصر مش مستقرة بقالها فترة، يعني يوم في الطالع ويوم في النازل، وده عشان أسباب كتيرة أهمها عدم استقرار الأسعار العالمية للمعدن الأصفر.
وانهاردة، سعر جرام الدهب عيار 21 واللي هو الاكتر انتشارا سجل 4665، وكمان عيار 18 بقى ب 3999 جنيه، أما عيار 24، اللي هو أعلى حاجة، فوصل ل 5331 جنيه، والجنيه الدهب بقى ب 37,320 جنيه.
طب ليه الأسعار مش مستقرة؟
بص يا سيدي، ببساطة كدع، سعر الدهب مرتبط بالسعر العالمي، وانهاردة الوقية وصل سعرها ل 3328 دولار، وكمان سعر الجنيه قدام الدولار له تأثير كب، يعني لو الدولار نزل أو طلع، الدهب بيتأثر على طول.
كمان، الدهب بيعتبر ملاذ آمن ومخزن قيمة، خاصة وقت الأزمات وعدم الاستقرار أو اللي بيسموها "حالة عدم اليقين الاقتصادي"، وهنا بتلجأ الناس وخاصة المستثمرين لشراء الدهب عشان يتحوطوا بيه من أي أزمات ممكن تحصل وتخسىرهم فلوسهم.
وحاليا، محدش يقدر يتوقع الدهب هيطلع ولا هينزل، بس لو عندك فلوس زيادة ومش محتاجها، ممكن تحطها في الدهب، لأنه على المدى الطويل بيكسب.
كمان، ما تنساش إن في أسهم في السوق المصري ممكن تجيبلك عائد 25% أو 26%، يعني مهم تنوع بين الدهب والأسهم وكمان الشهادات البنكية، وده لأن الخبرا بيقولوا إن تنويع الاستثمار بيقلل الخطر وبيزود العائد، خصوصا في أيام عدم اليقين الاقتصادي زي ما قولنا.
والخلاصة هي إن الدهب دلوقتي في مرحلة تذبذب، والأسعار بتتحرك بسرعة جدل، فلو حضرتك ناوي تشتري فراقب السوق، وفكر قبل ما تتحرك، أما بقى اللي معاه دهب فيحاول يخليه أو يربط علي، لأن الأيام الجاية ممكن تحصل فيها مفاجآت.
وفي النهاية، نقدر نقولك إن الدهب مش بس بيتأثر بالسوق العالمي وسعر الدولار، ده كمان بيتأثر بالسياسة النقدية في أمريكا، يعني لو البنك الفيدرالي الأمريكي رفع الفايدة قريب، المستثمرين هيهربوا من الدهب ويروحوا للشهادات، وبكده سعر الدهب هينزل، أما بقى لو خفضها فااكل يجري يشتري دهب كملاذ آمن، والكلام دهزمعناه إن في قرارات هتحصل الايام الجاية هتقلب الموازين، فخلي بالك كويس.
