تصريح خطير من صندوق النقد الدولي عن مصر .. ايه الي حصل
ايه اللي حصل من صندوق النقد الدولي في الساعات اللي فاتت وقال إيه عن مصر وايه علاقة قرض الصندوق بالاحداث اللي بتحصل في المنطقة وازاي الصندوق حسم الأمر في النهاية..
طبعا كلنا عارفين اللي بيحصل في المنطقة في الفترة الأخيرة والضغوط اللي بتتعرض ليها مصر والمنطقة العربية بخصوص أزمة تهجير الفلسطينيين وخروج تصريحات كتيرة وشبه يومية من الرئيس الأمريكي بخصوص الأمر دا ولأن مصر مش بتقبل الضغوط وبتتصرف بناء على مصالحها العليا أثارت سياستها القومية مخاوف عند ناس كتير من استخدام الولايات المتحدة نفوذها في صندوق النقد الدولي والمؤسسات المالية الدولية ومؤسسات التمويل التانية في التأثير على مصر والضغط الاقتصادي عليها لدفعها لتبني مواقف سياسية تانية..
الحقيقة التصور دا كان مطروح طول الوقت عند المصريين ودا لأن مصر ليها تجربة سابقة قبل كده عند بناء السد العالي لما البنك الدولي سحب التمويل عشان يصغط على مصر سياسيا لكن مصر قدرت وقتها تتغلب على أزمة التمويل وبنت السد العالي واللي اصبح أهم مشروع هندسي في العالم والحقيقة كمان إن منصات الشر نفخت في المخاوف دي طول الايام اللي فاتت وروجت إن مصر هتنهار اقتصاديا وإن صندوق النقد والبنك الدولي هيسحبوا أيديهم من الاقتصاد المصري ووكالات التصنيف العالمي هتطلع تقارير سلبية عن التصنيف الائتماني المصري ودا معناه انهيار الاقتصاد والاستثمارات وهروب الأموال الساخنة.
طبعا دا سيناريو تخيلي رغم أنه مش بعيد على الولايات المتحدة باعتبارها قوة اقتصادية عظمي ولتاثيرها على مؤسسات التمويل الدولية لكن الوضع اختلف دلوقتي عن الستينات وبقت فيه قوانين دولية بتحكم التجارة والاقتصاد وفيه استقلالية لمؤسسات التمويل الدولية واللي بقت بتتعامل وفق مصالح اقتصادية بحتة بعيدا عن السياسة ودا اللي قالته مديرة صندوق النقد الدولي في الساعات الأخيرة واللي أكدت أن برنامج صندوق النقد مع الحكومة المصرية مستمر وملهوش علاقة بالاحداث السياسية وأن مصر عملت برنامج اصلاح اقتصادي نموذجي.
طبعا تصريحات صندوق النقد الأخيرة حسمت الموقف ووضعت النقاط على الحروف من ناحية واكدت كمان إن الدولة المصرية قوية من ناحية تانية وفي نفس الوقت بعتت رسالة أن الاقتصاد مستقل نسبيا عن الأمور السياسية ورغم موقف الصندوق المعتدل والطبيعي لكن لا م نأكد على نقطة مهمة جدا وهي إن الصندوق مكانش هيخاطر بعلاقته مع مصر عشان اي مواقف سياسية ممكن تتغير بين يوم وليلة ومصر تاني أكبر زبون عند الصندوق بعد الأرجنتين واي تصرف غير طبيعي معاها هيفقد الصندوق مصداقيته وثقة الحكومات فيه لو دخل السياسة في الاقتصاد وعشان تبقي عارفين موقف الصندوق دا مش مجاملة منه لكن الصندوق بيعمل ويحمي مصالحه اولا واخيرا وعلاقته مع الدولة المصرية في قمة أولوياته.
