الأحد 09 فبراير 2025
رئيس التحرير
عمرو عامر
المشرف العام
عبدالعظيم حشيش
رئيس التحرير
عمرو عامر
المشرف العام
عبدالعظيم حشيش
اقتصاد مصر

استعينو بالتجربة المصرية.. سر نصيحة البنك الدولي للأرجنتين

الثلاثاء 28/يناير/2025 - 01:30 ص
أزمة الأرجنتين الاقتصادية
أزمة الأرجنتين الاقتصادية

إيه حكاية الأزمة الاقتصادية في الأرجنتين وليه معهد التمويل الدولي نصح الحكومة الأرجنتينية بالاستعانة بتجربة مصر الناجحة في الإصلاح الاقتصادي وايه علاقة البنك المركزي المصري باللي بيحصل في الأرجنتين.

الاقتصاد الأرجنتيني بيعاني من فترة من صعوبات اقتصادية مشابهة للأزمات اللي كانت بتعاني منها مصر والحكومة هناك مش عارفه تسيطر على سعر الصرف ولا تزود التدفقات الدولارية للبلاد عشان تسيطر على التصخم.

طيب أيه علاقتنا احنا باللي بيحصل في الأرجنتين ؟

شوف حضرتك معهد التمويل الدولي ودا مؤسسة دولية مهمة جدا نصح الأرجنتين أنها تستعين بتجربة مصر في تحقيق استراتيجية شاملة ممكن تحقق نتائج إيجابية وقال المعهد ان الارجنتين  لو طبقت التجربة المصرية هتقدر ترفع القيود على الصرف الأجنبي بأمان ضمن إطار مشابه وتقدر كمان تظبط برنامج جديد مع صندوق النقد الدولي زي ما عملت مصر ونجحت فيه.

المعهد الدولي نصح كمان الحكومة الأرجنتينية بتحرير سعر الصرف لعملتها زي ما عمل البنك المركزي المصري وحذر إن تأجيل تحرير سوق الصرف الأجنبي في الأرجنتين هيخلق  اختلالات وتشوهات هتأثر على النمو وقال إن توحيد سوق الصرف الأجنبي في مصر في 2024 كان درس مهم جدا ونجح في  علاج وتدارك أزمة تخارج رأس المال من غير المقيمين وتراجع الاحتياطيات الأجنبية بعد الحرب في أوكرانيا وتوسيع الفجوة بين السعر الرسمي والسعر الموازي إلى 56% في يناير 2024، ودا دفع البنك المركزي المصري إلى تغيير جذري في السياسات.

وقال التقرير الدولي إن تحرير سعر الصرف في مصر فتح الباب أمام تدفق الاستثمارات الأجنبية بشكل ضخم ودا اللي بتحتاجه الأرجنتين دلوقتي وضرب المعهد مثل بصفقة رأس الحكمة الكبيرة واللي كانت سبب إعلانه تحرير سعر الجنيه بجانب إعلان التمويل من صندوق النقد الدولي وشركاء دوليين آخرين في تحسين سيولة سوق الصرف الأجنبي وقال إن  التحول إلى نظام سعر صرف أكثر مرونة في مصر ساعد في استعادة الثقة في السوق وبدأ تدفق رأس المال الأجنبى.

واشار المعهد الدولي للتمويل إن تعويم الجنيه في مصر خلال مارس 2024 حقق قفزة في معاملات الأجانب والعرب في السوق الثانوية وسجل صافي شراء للدين المحلي قدره 18.2 مليار دولار، ولغاية نهاية أكتوبر اللي فات تجاوزت استثمارات الأجانب في أذون الخزانة 38.2 مليار دولار بينها 18.2 مليار دولار ضمانات لتمويلات خارجية.

طبعا شهادة معهد التمويل الدولي الأخيرة بمثابة اعتراف دولي جديد بجهود ونجاح الحكومة المصرية في إدارة الأزمة الاقتصادية باحتراف لدرجة مطالبة الدول التانية بتبني التجربة المصرية بخلاف إنها شهادة ثقة جديدة للاقتصاد المصري.